影片
更多
2024-12-24
0 瀏覽
今日黎到銅鑼灣搵食，樓下見到呢間肉料理廣做緊18周年感謝祭，全單有8折，一於就試下佢！成間餐廳都好日式風格，影相比朋友睇佢地仲以為我又飛左，笑死我！呢到主打日本飛驒牛，今日叫左C餐，包左十個飛驒牛既精選部位。原本以為要好似omakase個啲等勁耐先有得食，估唔到呢到辦事效率其高，叫完無幾耐就有得食，唔洗餓住個肚等，好值得一讚！先係前菜沙律，終於唔係一色一樣既胡麻醬配沙律菜，呢到比左自身製既醬食落酸酸甜甜好開胃，沙律菜亦新鮮爽口茶碗蒸加入左鰹魚汁夠晒味，食落好嫩滑底下仲有雞柳同蟹柳飛驒牛壽司，有比較肥既霜降同瘦啲既赤身，霜降油脂比較多食落勁軟身，相對上赤上就硬少少但肉味出好多，作為前菜好正，令人更加期待之後既牛！主角黎到，十個唔同既部位，全部都係即時切出黎，有肥有瘦，建議肥瘦肥瘦相間咁食。首先第一片燒既係友三角，先燒一邊先，等到出血水再反另一邊，反一次就食得。一放入口不得了，我同朋友都擰曬頭，係好食到擰晒頭，可以話未食過咁正既牛。油脂係個口到爆出黎，加埋勁香濃既牛味完全無得輸。其他部位例如龜之子、西冷、西冷肉芯都好impressive，不過要講都真係友三角最無得彈！最後仲有石鍋鰻魚飯作結
成間餐廳都好日式風格，影相比朋友睇佢地仲以為我又飛左，笑死我！
呢到主打日本飛驒牛，今日叫左C餐，包左十個飛驒牛既精選部位。
原本以為要好似omakase個啲等勁耐先有得食，估唔到呢到辦事效率其高，叫完無幾耐就有得食，唔洗餓住個肚等，好值得一讚！
先係前菜沙律，終於唔係一色一樣既胡麻醬配沙律菜，呢到比左自身製既醬食落酸酸甜甜好開胃，沙律菜亦新鮮爽口
茶碗蒸加入左鰹魚汁夠晒味，食落好嫩滑底下仲有雞柳同蟹柳
飛驒牛壽司，有比較肥既霜降同瘦啲既赤身，霜降油脂比較多食落勁軟身，相對上赤上就硬少少但肉味出好多，作為前菜好正，令人更加期待之後既牛！
主角黎到，十個唔同既部位，全部都係即時切出黎，有肥有瘦，建議肥瘦肥瘦相間咁食。
首先第一片燒既係友三角，先燒一邊先，等到出血水再反另一邊，反一次就食得。一放入口不得了，我同朋友都擰曬頭，係好食到擰晒頭，可以話未食過咁正既牛。油脂係個口到爆出黎，加埋勁香濃既牛味完全無得輸。其他部位例如龜之子、西冷、西冷肉芯都好impressive，不過要講都真係友三角最無得彈！
最後仲有石鍋鰻魚飯作結，估唔到呢到整鰻魚同樣都唔差，有啲炭燒鰻魚既feel好彈牙唔係煲到軟淋淋咁，出色！
張貼
