影片
更多
2008-12-24
8 瀏覽
上星期日，一家人好有興致地去得如飲懷舊茶。十二時前到達。一樓裝修，得番二樓，冷氣開放，超大風超凍。不太多人，但起初都要搭。很懷舊的一間酒家呀，天花板的裝飾係龍鳳之類的鳥類。個餐牌就最能見證歷史，好殘舊。只得兩架點心車，點心一輪得幾款，要等阿姐推住架車搭番一樓新一輪點心。要幾個點心同一個蒸飯。蝦餃：超超超正。個皮晶瑩通透，好薄，好過好多酒家。個餡又足料，蝦爽口彈牙，仲有好多荀粒將蝦味帶出來。必食點心！干蒸牛肉：同平時食開的山竹牛肉不同，沒有腐皮墊底，kip汁另外用碗盛著。牛肉質地比較淋，但味道很好。豬潤燒賣：而家新式酒樓都無呢樣點心，真係買少見少了！兩大塊豬潤，雖不是黃沙潤，但質地也不會太難。蒸得剛剛好。反而下面豬肉就好肥，肥肉仲多過瘦肉。雞扎：層腐皮好薄，吸晒d味，好正。雞好滑好嫩，雖然都係雪雞，但就處理得好，不會有雪味。芋頭好粉。反而中間的豬皮就好肥，吸晒d油。用了叉燒instead of 火腿。糯米雞：超大隻，成塊面咁大。糯米蒸得非常透徹，很黏。超多料，有叉燒、雞、冬菇，仲有超正豬粒。豬粒超正，雖然切得細細粒，但都食得出佢味道，非常夠味。鳳爪排骨飯：蒸得比較濕身
十二時前到達。
一樓裝修，得番二樓，冷氣開放，超大風超凍。
不太多人，但起初都要搭。
很懷舊的一間酒家呀，天花板的裝飾係龍鳳之類的鳥類。
個餐牌就最能見證歷史，好殘舊。
只得兩架點心車，點心一輪得幾款，要等阿姐推住架車搭番一樓新一輪點心。
要幾個點心同一個蒸飯。
蝦餃：
超超超正。
個皮晶瑩通透，好薄，好過好多酒家。
個餡又足料，蝦爽口彈牙，仲有好多荀粒將蝦味帶出來。
必食點心！
干蒸牛肉：
同平時食開的山竹牛肉不同，沒有腐皮墊底，kip汁另外用碗盛著。
牛肉質地比較淋，但味道很好。
豬潤燒賣：
而家新式酒樓都無呢樣點心，真係買少見少了！
兩大塊豬潤，雖不是黃沙潤，但質地也不會太難。
蒸得剛剛好。
反而下面豬肉就好肥，肥肉仲多過瘦肉。
雞扎：
層腐皮好薄，吸晒d味，好正。
雞好滑好嫩，雖然都係雪雞，但就處理得好，不會有雪味。
芋頭好粉。
反而中間的豬皮就好肥，吸晒d油。
用了叉燒instead of 火腿。
糯米雞：
超大隻，成塊面咁大。
糯米蒸得非常透徹，很黏。
超多料，有叉燒、雞、冬菇，仲有超正豬粒。
豬粒超正，雖然切得細細粒，但都食得出佢味道，非常夠味。
鳳爪排骨飯：
蒸得比較濕身，但飯仍是一粒粒的。
排骨醃得非常入味，多肉；但只得數舊，唔多夠喉！
綠豆沙：
前所未有唔似綠豆沙的綠豆沙。
沒有綠豆味，又無臭草的芳香。
反而加了西米，煲到淋pat pat，完全唔match。
埋單$115, 非常經濟實惠！
服務都不俗啦，沖水收碟都好快。
而家真係唔多呢d古老茶樓，要懷舊都唔一定要去蓮香，九龍得如都唔差架！
張貼
