鍋心粥底火鍋 (德成街)

營業中

休息中

星期五晚放工，和舊同事來到佐敦這間粥底火鍋打邊爐聚一聚。其實一早已經打電話訂枱8點，不過來到現場，仍要等位，等了大概半個小時才能入內。雖然人人話香港食肆依家冇乜人消費，但係這家粥底火鍋完全不受影響！全場滿座！我們選了$258的龍蝦加沙白蜆套餐，可以選五款海鮮！另外三個人加起來可以選12款餐單內的食物。我們入座等了10多分鐘海鮮才上枱，雖然等得比較耐，但係因為海鮮十分新鮮，都覺得值得！尤其龍蝦，雖然唔算大隻，但係好鮮甜彈牙。鮑魚也是我的愛，好生跳跳轉來轉去，食佢實在有啲殘忍！不過佢太好食忍唔到～基本上所有海鮮都好新鮮，鍾意食海鮮嘅人係值得一嚟！不過因為最後煮粥的時候，店員冇主動過嚟幫我哋落材料，我哋自己落晒入去後，俾店員見到。佢先話我哋太多水太稀😅所以去食嘅朋友，記得食粥之前叫店員幫手，如果唔係煲粥就會唔好食。