影片
更多
2023-04-03
31 瀏覽
今日去咗銅鑼灣食lunch，呢間餐廳嘅omakase出名好食，今日見佢lunch time新出咗新menu，有丼飯、刺身、壽司同定食套餐，咁緊係要即刻去試試啦！我地揀咗A4宮崎和牛塩燒き，定食包括有沙律、茶碗蒸、湯、飯同甜品。首先先捧上沙律同茶碗蒸，沙律有青瓜、沙律菜同車里茄，沙律醬特別加上了碎蛋，食落多了一份蛋香。茶碗蒸上面鋪滿松葉蟹肉芡汁，見到一絲絲嘅松葉蟹肉，真係好吸引，仲加上有三文魚籽提升鮮味，蒸蛋口感嫩滑，雞蛋香濃。跟住就到主食A4宮崎和牛，主食造型同擺盤都相當吸引，和牛燒到五成熟，還見到粉嫩嘅顏色，脂肪比例均勻，入口即化，口感緊緻滑順，配有蒜片、岩鹽同辣蘿蔔蓉，可隨自己口味添加。我地仲加咗$20轉稻庭烏冬，烏冬入口順滑，食完主食就緊係要飲返碗麵豉湯，呢到嘅麵豉湯用一個好精緻嘅杯裝住，別具心思。最後就到甜品，甜品係每日新鮮即製拿破崙，口感鬆化香脆，牛油味香濃，上面有士多啤梨、大福皮同紅豆蓉，而中間就夾住椰子雪糕，店員提議分開兩層食，可以有不同嘅滋味，上層大福皮口感軟糯，紅豆配大福皮就係經典配搭，加上士多啤梨中和甜度，十分好食。而下層椰子雪糕，味道香濃，口感綿滑。食完甜品緊係有
我地揀咗A4宮崎和牛塩燒き，定食包括有沙律、茶碗蒸、湯、飯同甜品。首先先捧上沙律同茶碗蒸，沙律有青瓜、沙律菜同車里茄，沙律醬特別加上了碎蛋，食落多了一份蛋香。茶碗蒸上面鋪滿松葉蟹肉芡汁，見到一絲絲嘅松葉蟹肉，真係好吸引，仲加上有三文魚籽提升鮮味，蒸蛋口感嫩滑，雞蛋香濃。
跟住就到主食A4宮崎和牛，主食造型同擺盤都相當吸引，和牛燒到五成熟，還見到粉嫩嘅顏色，脂肪比例均勻，入口即化，口感緊緻滑順，配有蒜片、岩鹽同辣蘿蔔蓉，可隨自己口味添加。我地仲加咗$20轉稻庭烏冬，烏冬入口順滑，食完主食就緊係要飲返碗麵豉湯，呢到嘅麵豉湯用一個好精緻嘅杯裝住，別具心思。
最後就到甜品，甜品係每日新鮮即製拿破崙，口感鬆化香脆，牛油味香濃，上面有士多啤梨、大福皮同紅豆蓉，而中間就夾住椰子雪糕，店員提議分開兩層食，可以有不同嘅滋味，上層大福皮口感軟糯，紅豆配大福皮就係經典配搭，加上士多啤梨中和甜度，十分好食。而下層椰子雪糕，味道香濃，口感綿滑。
食完甜品緊係有杯飲品先夠圓滿，定食仲包一杯飲品，可以揀綠茶同咖啡，我地就揀咗綠茶，可以解一解膩。
張貼
