添福漢堡

營業中

休息中

搭巴士經過荔枝角道，無意間見到添福漢堡原來由深水埗搬左黎荔枝角同長沙灣中間，於是於落車去買外賣試下，價錢比舊鋪好似貴左少少，或者可能係我幾年冇食過舊鋪啦，跟餐冇汽水，只跟薯條。本來我同朋友想買兩個餐，分別係招牌添福漢堡，至尊黑椒牛堡及一個單買香脆雞塊，但店員好似未係好熟手，落左兩次單，但最後都係錯左，比左3個餐我。10分鐘後，返到公司即刻拆黎食，雖然兩個漢堡包外觀墊偏左d，但肉質仍然好香，咬落有口感，包皮很脆，漢堡牛肉好鬆軟，黑椒果個唔算好辣，冇M記果種咁辣。香脆雞塊有d似麥樂雞，冇乜味，可能耐左，唔係好脆。而薯條夠粗，外脆內軟，仍然好食。飲品方面加左一杯蜂密柚子梳打同荔枝梳打，兩杯甜味剛剛好，好有果肉同椰果，有咬口，有台式飲品店的水準，值得再去。