影片
更多
2020-12-26
488 瀏覽
要講係香港食到既關東煮已經唔算多,要食正宗既更加少之又少.今日係荔枝角office返工既時候見到呢間餐廳既宣傳,見到係專食關東煮之餘仲要係由日本人親自主理,就沖左去買.廚師發辦 (4款小食+十五穀飯) hkd$55(新開張優惠)關東煮湯底同平時我地食開既昆布鰹魚清湯有少少分別,湯底顏色呈濃郁黑醬油色.原因係店主揀用關東風做法,會加較多醬油令湯底變得深色.同時亦係湯底內加上大量蝦頭餚製,令湯頭除左帶香甜醬油香外亦帶陣陣鮮味.年糕福袋咬開既時間先有被油揚吸入既關東煮湯溢出,後有煙煙韌韌既年糕,綿糯香軟.日本黑魔芋結成麻辮狀,口感爽彈.作為小食低卡路理又健康.蘿蔔清甜無渣,入口清甜天然,唔係浸過糖水果種甜.北海道黃色薯仔原隻連皮既黃肉印加的覺醒薯仔🥔好有驚喜.皮簿易咬開,內裏薯仔幼滑.黃肉薯仔薯味濃而且香甜,甜味同栗子既感覺好似.野菜豆腐蝦餅將豆腐磨碎後加入各款野菜,帶蔬菜香甜味之餘亦帶豆腐綿密鬆軟既口感.墨魚丸入口彈牙帶有粒粒墨魚粒,十分鮮甜.日本水煮蛋日本蛋黃味道濃郁香醇,蛋黃口感綿密.炸雞柳除左關東煮外,餐廳亦提供炸雞柳做小食.咁啱撞正親開張優惠,仲送多2件炸雞柳,好抵食.炸雞柳肉質嫩
廚師發辦 (4款小食+十五穀飯) hkd$55(新開張優惠)
關東煮湯底同平時我地食開既昆布鰹魚清湯有少少分別,湯底顏色呈濃郁黑醬油色.原因係店主揀用關東風做法,會加較多醬油令湯底變得深色.同時亦係湯底內加上大量蝦頭餚製,令湯頭除左帶香甜醬油香外亦帶陣陣鮮味.
年糕福袋
咬開既時間先有被油揚吸入既關東煮湯溢出,後有煙煙韌韌既年糕,綿糯香軟.
日本黑魔芋
結成麻辮狀,口感爽彈.作為小食低卡路理又健康.
蘿蔔
清甜無渣,入口清甜天然,唔係浸過糖水果種甜.
北海道黃色薯仔
原隻連皮既黃肉印加的覺醒薯仔🥔好有驚喜.皮簿易咬開,內裏薯仔幼滑.黃肉薯仔薯味濃而且香甜,甜味同栗子既感覺好似.
野菜豆腐蝦餅
將豆腐磨碎後加入各款野菜,帶蔬菜香甜味之餘亦帶豆腐綿密鬆軟既口感.
墨魚丸
入口彈牙帶有粒粒墨魚粒,十分鮮甜.
日本水煮蛋
日本蛋黃味道濃郁香醇,蛋黃口感綿密.
炸雞柳
除左關東煮外,餐廳亦提供炸雞柳做小食.咁啱撞正親開張優惠,仲送多2件炸雞柳,好抵食.
炸雞柳肉質嫩滑細緻,入口帶有肉汁唔會過乾.
外層炸粉漿唔會過厚,香口鬆脆.
張貼
