映水芙蓉 (海運大廈) (已結業)

映水芙蓉可以話係香港最靚既川菜館，一來食物賣相高級精緻，二來可以坐享180度絕美海景，可以選擇坐室內或者室外，一邊享受食物，一邊欣賞維港景色，別有一番滋味🥰－－－－－－1. 雞絲冷麵 $158賣相真係好吸引，食之前要攪拌均勻，冷麵爽彈，唔會痴埋一舊舊，雞絲唔會好鞋，涼拌好食👍🏻2. 宮保雞丁 $188花生同雞肉粒充滿麻辣香，沾滿濃濃醬汁，成碟都紅卜卜🤤非常香同埋幾夠鑊氣，超級美味3. 螞蟻上樹 $168呢個係餐館既招牌菜，粉絲非常入味同煙韌，炒得乾身，帶點微辣，相當惹味😋4. 蔥油餅 $58同平時食開有少少分別，蔥油餅已分成細塊，外脆內軟，飽滿的蔥花同蔥香，同埋唔太油膩🥰