SAKEH

營業中

休息中

老婆生日，再一次黎到sakeh，呢間可以話係我食過最好食既日式串燒，唔係講笑亦無誇張！入店舖一刻好有儀式感勁靚，入面裝修亦唔差好有日式風格。午市都係第一次食，估唔到lunch set都幾抵包左好多野食，仲有special menu我叫左安格斯牛肉薄燒，老婆叫左蒲燒鰻魚套餐。先黎汽水，估唔到仲有冰底幾有誠意，唔中意太甜可以揀梳打水set黎到好靚，六宮格入面放晒前菜、飯、主食同甜品，勁興奮老婆瘋狂打卡！前菜有枝豆玉子燒，調味得岩岩好唔會太咸。牛肉薄燒好香口，肉味勁出，中間仲要包住滿滿香蔥，食落好爽口。鰻魚亦唔輸蝕，唔會煮到淋晒，鰻魚汁撈埋飯食停唔到口！牛舌芯同免治雞肉棒係每一次黎都會食，牛舌肉質爽口，面頭加左少少鹽令到食落去既時候牛味更加香濃。免治雞肉棒中間夾咗啲雞軟骨好有口感，撈埋中間蛋黃醬油一齊食好夾。