Porker (已搬遷) 新店位置

🐽Porker set $210呢個餐包括咗熟成豚西冷同埋豬柳兩款豬扒外皮都炸到金黃色炸皮混合咗3種麵包糠所以特別酥脆但就略顯厚咗啲啲。西冷肉味比較突出而且油脂更豐富所以都比較油膩豬柳就明顯較瘦 但肉質都好厚😍🍛Sirloin cutlet curry rice $195呢份豚西冷上枱時都好香脆但因為浸著咖喱汁所以淋得好快鐘意脆口感嘅朋友就要食快啲啦～日式咖喱汁香料味重 只帶超級微微辣而且醬汁份量好多 啱哂鍾意汁撈飯嘅朋友！🍚Sirloin cutlet rice bowl $175豚西冷頗香脆 加埋滑蛋真係無得頂！中間夾雜咗啲紫菜碎同埋京蔥增加口感可惜米飯係一大扣分位。選用嘅珍珠米細細粒口感軟糯雖然個碗睇落唔大但飯量都好多但因為加得太多醬汁所以飯底變得過於濕潤😢🦐Prawn cutlet rice bowl $160雖然呢度主打豬扒但都有啲其他嘢食吉列蝦都唔錯 但同上面豬扒丼一樣因為俾層厚厚嘅滑蛋蓋著所以食第一啖時已經唔太脆。