Kind Kitchen (已結業)

是晚為素食主題，餐廳為全素，vegan friendly。一行五人全晚柯打左新豬肉餃子、松露意粉、松露RISOTTO 、蕃薯條、雞肉凱薩沙拉、紅菜頭湯、芝士拼盤。蕃薯條係全場最好味，夠脆，有蜜糖可以沾，服務員亦比左全素既mayonnaise我地試。新豬肉餃子味道整得真係好似豬肉，唔講真係唔知你食緊素食。松露意粉同RISOTTO都麻麻地，食唔到松露味之餘又夾雜著中式菜式既味道。不中不西有D奇怪，份量亦都好少。雞肉凱薩沙拉既雞肉當然都係素，正正常常既沙拉，同紅菜頭湯一樣，係無評價。芝士拼盤有啲驚喜，驚喜不在於味道，而係在於唔用牛奶都可以整到芝士覺得好神奇。朋友一致都唔相信點解可以整得咁似真芝士，亦都有啲焗左既法包伴芝士，還可以。如果你喜歡食素，呢間餐廳係一個選擇，環境舒適，食材環保♻️。