影片
更多
2020-11-25
1385 瀏覽
今日約左個住大埔嘅朋友食lunch，想坐低慢慢傾，朋友推薦我去「大日子酒家」。佢話呢度係佢嘅飯堂，重同d姨姨好熟添。聽個名已經覺得好特別，一於試下啦！呢間茶樓都好大，重間左一間間廳房。我地入左廳房坐。只見有好多張點心紙，好多野食呀！花多眼亂都唔知揀邊樣食好。其中一張點心紙寫住「午市特別推介」，有飯、粉同米線食。見到有瀨粉食即刻雙眼發光！細個飲茶，燒鵝瀨粉係必點之一。但依家好多時都冇燒鵝揀，全部變曬燒鴨。雖然燒鵝同燒鴨個樣睇落差唔多，但食落嘅味道始終有分別。所以見呢間茶樓有燒鵝就即刻諗都唔諗嗌左！燒鵝份量好多，脂肪同肉嘅比例剛好，皮脆肉滑，食落唔會有臭味，重甜甜地。旁邊重有菜心，菜心爽甜冇渣。瀨粉份量都夠多，填滿成個碗，多到幾乎睇唔到湯底！瀨粉唔會太腍又唔會太硬，軟硬適中有口感。對我呢個有選擇困難症嘅人黎講，揀邊樣點心食係好晒時間嘅事。好在有「點心大拼盆」！「點心大拼盆」有蝦餃、燒賣、鮮蝦菜苗餃、鮮蝦素翅餃、同埋兩款甜品：麻蓉包同埋紅棗糕。每款都有兩件，同朋友一人一嚿啱啱好，唔使爭！鮮蝦菜苗餃入面有蒜蓉，入口好香。鮮蝦素翅餃入面有木耳，好爽脆。素翅滑溜。兩款餃嘅皮都唔厚，餡料足，真係皮薄
呢間茶樓都好大，重間左一間間廳房。我地入左廳房坐。只見有好多張點心紙，好多野食呀！花多眼亂都唔知揀邊樣食好。
其中一張點心紙寫住「午市特別推介」，有飯、粉同米線食。見到有瀨粉食即刻雙眼發光！
細個飲茶，燒鵝瀨粉係必點之一。但依家好多時都冇燒鵝揀，全部變曬燒鴨。雖然燒鵝同燒鴨個樣睇落差唔多，但食落嘅味道始終有分別。所以見呢間茶樓有燒鵝就即刻諗都唔諗嗌左！
燒鵝份量好多，脂肪同肉嘅比例剛好，皮脆肉滑，食落唔會有臭味，重甜甜地。旁邊重有菜心，菜心爽甜冇渣。瀨粉份量都夠多，填滿成個碗，多到幾乎睇唔到湯底！瀨粉唔會太腍又唔會太硬，軟硬適中有口感。
對我呢個有選擇困難症嘅人黎講，揀邊樣點心食係好晒時間嘅事。好在有「點心大拼盆」！「點心大拼盆」有蝦餃、燒賣、鮮蝦菜苗餃、鮮蝦素翅餃、同埋兩款甜品：麻蓉包同埋紅棗糕。每款都有兩件，同朋友一人一嚿啱啱好，唔使爭！
鮮蝦菜苗餃入面有蒜蓉，入口好香。
鮮蝦素翅餃入面有木耳，好爽脆。素翅滑溜。
兩款餃嘅皮都唔厚，餡料足，真係皮薄餡靚！👍🏻
麻蓉包餡似花生醬，甜甜的。
唔想太甜嘅朋友可以試下紅棗糕。紅棗糕口感煙韌，微甜。
山竹牛肉球入面有馬蹄，腍身嘅牛肉同爽脆嘅馬蹄，一腍一脆，口感十足！配合酸酸嘅喼汁，令我胃口大開！底下薄薄嘅腐竹吸收曬牛肉嘅肉汁同喼汁嘅味道，份外滋味。
黑椒金錢肚呢款點心又係好少酒樓有。難得呢度有就嗌黎食。金錢肚腍得黎肉質挺實唔會霉，落左黑椒同蒜蓉，食到黑椒嘅辣同蒜香，好惹味。底下重有白蘿蔔。白蘿蔔切成長條形，食完金錢肚先食白蘿蔔但d 白蘿蔔重好熱，爭d辣親嘴，要吹幾下先入到口。可想而知呢度d點心都係新鮮出「蒸」爐啦！😆 白蘿蔔爽脆清甜無渣。
張貼
