花朝軒 (已結業)

星期日去西貢飲茶，平時去開x記、x和等舊酒樓，見依間新開左唔係好耐，加上佢有好大個廣告牌响正我屋企對面，點心比酒樓貴少少，不過唔算太貴。去試下啦⋯⋯個版寫住影底廣告送冷盤小菜，點知個侍應話要去銅鑼灣店先有⋯唔係呀，咁大個地址寫住西貢，去到話要銅鑼灣店？！算，叫野食。點心全部行貨，質素到微波爐叮叮點心差不多，同平時去開嗰幾間酒樓差好遠。蝦餃無鮮味，好明顯交黎既行貨。松露燒賣根本係買行貨返黎加少少松露醬。可能間野食京菜，試下小籠包啦，結果⋯小籠包扁塔塔，裡面塊肉扁過平時食既肉餅，塊皮唔好食。唯一好處係無咩人，好易搵位，不過咁既食物質素，原因好明顯啦。