影片
更多
2012-02-20
59 瀏覽
第一次係老闆請食晚飯，雖然唔系window seat，但依然可以見到清亮的港島夜景，而且身處28樓，“易發”嘛，傳統中國幸運數字，配上“天外天”名，亦不輸蝕百多層高既中菜豪庭。頭盤：鮑汁豬手＋麻油黑木耳＋海蜇頭＋蜜糖脆鱔豬手扣得極之入味，雖然無完全去骨，但腍軟滑溜，皮下無甚油脂連著適量豬手瘦肉，所以入口好有層次，而且感覺啖啖骨膠原，相當不俗；木耳同海蜇頭都相當爽口，最值得激賞既係海蜇頭厚切片上，口感甚佳！脆鱔無沾粉去炸， 名符其實，不過略嫌甜了一些，伴碟的炸珍珠菜也挺脆，雖然沒甚麼味道。湯羹：豬雜菜老火湯普通的老火湯，幾甘甜，無甚特別。主菜：1）麥皮黃金蝦這道菜獲得了在座客人的一致好評，在健康飲食既理念下，蛋黃既比例少左，但依然金香，香脆可口既cereal均勻地黏在每粒蝦球上，好吃！2）當紅炸子雞在禽流感肆虐其間，無新鮮雞，引致呢味菜無雞味甜味，但師傅既功夫依然可以食到，表皮香脆，可惜雞肉唔滑無汁，麻麻地。3）鮑魚仔香蒜洋蔥雞球煲落枱剎那香氣十足，鮑魚仔也爽口，但可能被強烈既蔥蒜味掩蓋了海鮮既甜美，依然，雞球欠缺鮮味，有點失色。4）清炒星斑球唔特別，而且入口仍可感受到一層薄薄既芡，令石
頭盤：鮑汁豬手＋麻油黑木耳＋海蜇頭＋蜜糖脆鱔
豬手扣得極之入味，雖然無完全去骨，但腍軟滑溜，皮下無甚油脂連著適量豬手瘦肉，所以入口好有層次，而且感覺啖啖骨膠原，相當不俗；木耳同海蜇頭都相當爽口，最值得激賞既係海蜇頭厚切片上，口感甚佳！脆鱔無沾粉去炸，
名符其實，不過略嫌甜了一些，伴碟的炸珍珠菜也挺脆，雖然沒甚麼味道。
湯羹：豬雜菜老火湯普通的老火湯，幾甘甜，無甚特別。
主菜：
1）麥皮黃金蝦
這道菜獲得了在座客人的一致好評，在健康飲食既理念下，蛋黃既比例少左，但依然金香，香脆可口既cereal均勻地黏在每粒蝦球上，好吃！
2）當紅炸子雞在禽流感肆虐其間，無新鮮雞，引致呢味菜無雞味甜味，但師傅既功夫依然可以食到，表皮香脆，可惜雞肉唔滑無汁，麻麻地。
3）鮑魚仔香蒜洋蔥雞球煲落枱剎那香氣十足，鮑魚仔也爽口，但可能被強烈既蔥蒜味掩蓋了海鮮既甜美，依然，雞球欠缺鮮味，有點失色。
4）清炒星斑球唔特別，而且入口仍可感受到一層薄薄既芡，令石斑魚應有既鮮味同口感頓打折扣，不過伴菜既西蘭花炒得唔錯！
5）紅酒醋咕嚕肉我特別推介此菜，雖然可能某些食客唔鍾意它無用到原件鮮美既豬肉，而係用免治豬肉，但它勝在創新得來又健康，裡面釀左一塊菠蘿，伴碟用紅酒醋浸漬既爽口梨片，清爽解油膩，外圍係用一片ham包住(如果無聽錯)，面頭灑上一些柚子粒同青提子乾，食落完全無傳統咕嚕肉既肥膩感覺，當然，它既表皮不是炸的，所以口感方面略嫌鬆散了一些，因為呢道菜本身就類似法國菜裡的Andouille，用不同材料拼湊而成既豬肉卷。很有趣既菜！
6）金銀蒜炒豆苗和瑤柱炒飯金銀，在中菜裡係常用既講法；“金”為炸至金黃色，“銀”為原材料既白色即係有炸蒜同白蒜茸。豆苗當造，好嫩好鮮味；炒飯就普通左D。
7）特色甜品：桂花燉津梨+五糧液巧克力雪糕＋抹茶牛奶雪糕
得意既係成隻津梨去芯，好濃郁既桂花香，所以顯得人造香精較多，失之自然；雪糕幾特別，酒味竟然真系好重，不過就苦左D，喜愛巧克力雪糕既女士可能食它會皺曬眉頭；抹茶雪糕幾香，但仍有雪霜，失之軟滑。總體來講，甜品都幾可愛～
張貼
