影片
更多
2015-12-12
398 瀏覽
今晚收工響附近睇戲, 時間較少, 所以要搵D快食又飽既醫肚, 四圍睇下水牌先, 發現有間新開熱狗店, 呢樣啱晒, 又快又飽. 店面唔算好大, 得幾張枱, 不過感覺闊落, 可以好causal咁坐.睇睇餐牌有咩選擇先, 咸咸甜甜款式都有, 今次試下正常咸味款.每人要左個熱狗+薯條+汽水, 個熱狗夠大份, 薯條係粗薯條, 所以食左成個餐都夠飽.薯條連皮炸, 即係原個薯仔批出黎, 炸得夠脆口.秘制鹵醬熱狗$42, 即整個包暖暖地夠軟熟, 肉醬熱辣辣, 唔太咸類似台式肉醬, 口感豐富. 黑松露醬熱狗$45, 同樣個包即整暖暖地好軟熟, 好香黑松露味, 第一次食熱狗咁高檔, 配埋蛋黃醬甜甜酸酸好醒胃, 條腸仔夠大條.
睇睇餐牌有咩選擇先, 咸咸甜甜款式都有, 今次試下正常咸味款.
每人要左個熱狗+薯條+汽水, 個熱狗夠大份, 薯條係粗薯條, 所以食左成個餐都夠飽.
薯條連皮炸, 即係原個薯仔批出黎, 炸得夠脆口.
秘制鹵醬熱狗$42, 即整個包暖暖地夠軟熟, 肉醬熱辣辣, 唔太咸類似台式肉醬, 口感豐富.
黑松露醬熱狗$45, 同樣個包即整暖暖地好軟熟, 好香黑松露味, 第一次食熱狗咁高檔, 配埋蛋黃醬甜甜酸酸好醒胃, 條腸仔夠大條.
張貼
