星薈

營業中

休息中

又到食大閘蟹嘅月份喇， 今年揀鴻星食呢個大閘蟹宴，因為有三隻蟹，夠滿足，揀星薈另一原因，佢環境一流， 可以出露台睇夜景。一行七人最後揀咗， 王者大閘蟹一位餐。頭盤嘅鴨胸青瓜，味道都 ok。蟹肉芙蓉羹，唔算多蟹肉。第一輛上嘅係蟹公，都算大隻同埋都多膏。蟹粉小籠包，個皮做得幾好，唔厚，味道不錯。侍應生見你食完第一輪，就會上第二輪，係蟹乸，明顯比蟹公細好多。最後個輪，就係蟹公啦。食晒蟹先會上其他菜。黑醋霜降肉， 呢個做得好，肉質好爽，味道又唔錯，有驚喜。😋酥炸廣島蠔 ，畧為油D，同粉厚，個蠔較細 。最尾上呢個窩心薑茶湯圓， 薑茶夠熱同薑，湯圓皮薄， 芝麻餡都唔太甜，完美句號。侍應生服務都做得好好，招呼周到亦都有禮貌。