樂天皇朝 (將軍澳中心)

營業中

休息中

🥢樂天皇朝🥢 一家大細好耐冇食上海野，阿仔最愛小籠包，上次試左傳統味，今次我地就專登去試下佢既8色小籠包🤪將軍澳呢單樂天皇朝好寬敞，鍾意佢樓底較高，空間感足夠，自己填紙落order 夠方便。🥢八色小籠包：顏色好搶，色彩繽紛好吸引。包括 ：原味、蒜香、絲瓜、鵝肝、川味、芝士、蟹粉和黑松露。蟹粉味具備蟹黃蟹油，啲蟹味係好香濃；黑松露味都好出，簿簿的皮包裹著鮮豬肉餡，肉汁豐富，一口放入口好爽😄！🥢川味涼皮：爽滑涼皮沾上酸酸辣辣既汁，仲有蒜茸，滑嘟嘟吸啜嘴入邊好過癮。🥢炸饅頭：必叫食物之一，炸至金黃香脆的外皮，一咬下去外層脆脆可口，內裡又軟綿綿。🥢上海炒飯： 第一啖入口係炒得好香，醬油兜到好均勻。有蝦肉做主角，個炒飯望落平平無奇，但味道極正。🥢無錫鮮肉鍋貼：爆哂汁，煎到個底好脆口，金黃色的，火喉剛好。