蒲公英和牛專門店

營業中

休息中

一向鐘意食餃子，同事介紹左呢間蒲公英嘅工廈舖叫我去試下，位置在駱駝漆入面，唔算難搵。上到黎睇下，小店主要賣凍肉/餃子/醬料/清酒等，比較特別係佢可以現場試食，所有食物都可以叫店家煮黎食㗎，根據返食材黎收費。始終係工廈店，店內環境當然唔可以同餐廳相比，但簡簡單單都幾好。同事推介佢嘅餃子，咁就生煎同水煮都試下先，有厚皮同薄皮之分，口味就有三款。要左份水煮薄皮白菜餃，簡約風上碟，沒多餘的裝飾。水餃入口皮滑多餡，豬肉同白菜比例剛好，食到肉鮮味又有菜口感，好味噃。另一碟係生煎厚皮韮菜餃，個皮厚啲口感煙韌啲，外層煎得香脆好正，韮菜餃味道濃啲，咬落仲有菜汁流出黎添，呢碟都好好味。仲有枱上呢個自家製辣椒醬都唔錯，唔係好辣但重蒜味，同餃子夾喎。食到有少少口渴，去雪櫃拎野飲先，揀左呢支烏龍茶，雪櫃入面仲有果汁/咖啡等選擇㗎。兩款餃都好好食，現場食過有信心保證，買返啲生餃返去先。