Joie Plant-based Bistro (已結業)

原來由男朋友屋企出發去南豐紗廠，係好近嘅事~坐係天井位幫襯咗呢間望落都幾健康嘅餐廳，假期都有Set可以跟蕃茄濃湯，成個湯都係用蕃茄Blend 出黎，微酸都唔錯。男朋友叫咗個牛油果卷加沙律，沙律方面都唔差嘅，只係個牛油果捲塊皮太厚，食落好硬又無味。而我叫咗個黑松露意粉，佢又儲單，又無限等到大家差唔多食完先黎，有黑松露香，但入口就比較淡味。基本上都算係正常，食完個碟底都唔會話太油。另外叫咗杯咖啡，咖啡偏酸，凍咗仲酸，唔係我口味。男朋友習慣要加奶飲啡，但呢到只有齋啡供應，要自己加奶，咁佢又唔識加，搞到成杯啡可以丟得。不過唯一有驚喜係個撈烏冬，估佢唔到都幾多菜，仲係熱食架添~