Joie Plant-based Bistro (已結業)

原來由男朋友屋企出發去南豐紗廠，係好近嘅事~坐係天井位幫襯咗呢間望落都幾健康嘅餐廳，假期都有Set可以跟蕃茄濃湯，成個湯都係用蕃茄Blend 出黎，微酸都唔錯。男朋友叫咗個牛油果卷加沙律，沙律方面都唔差嘅，只係個牛油果捲塊皮太厚，食落好硬又無味。而我叫咗個黑松露意粉，佢又儲單，又無限等到大家差唔多食完先黎，有黑松露香，但入口就比較淡味。基本上都算係正常，食完個碟底都唔會話太油。另外叫咗杯咖啡，咖啡偏酸，凍咗仲酸，唔係我口味。男朋友習慣要加奶飲啡，但呢到只有齋啡供應，要自己加奶，咁佢又唔識加，搞到成杯啡可以丟得。不過唯一有驚喜係個撈烏冬，估佢唔到都幾多菜，仲係熱食架添~

這間餐廳位於荃灣南豐紗廠, 以健康素食為主, 如今的素食已不再規限以中式為主, 西式的素食也可以很美味🍓 ($78)🤤 ~ 看上去很creamy但其實食落卻很清新, 意粉亦配上蘆筍及椰菜花 ($88)🤤 ~ 雖然名叫pizza, 但同一般的pizza好唔同, 底部是整個以薄脆製成, 上面舖滿蘑菇, 粟米, 車厘茄及紫菜 ($48)🤤 ~ 烏冬配上七種不同顏色種類的蔬菜, 感覺很健康清新Menu+$18可轉套餐, 配湯 / 沙律 + 飲品飲品亦是以健康為主 : 薑茶, 八寶茶, 伯爵茶或咖啡可供選擇🍵

今天第一次來到荃灣開張只有幾個月的南豐紗廠，這裡有頗多食肆，我們選了這間純素餐廳。幾款食物的味道與賣相也很好，黑松露蘑菇意粉很有黑松露味，南瓜濃湯很滑，牛油果車厘茄多士的多士很香口，還有烏冬上面的蔬菜配搭也挺不錯。且價錢相對便宜，$68一個午餐，有湯有主菜有飲品，以這個價錢可以吃到幾款有質素的食物，實是喜歡純素飲食朋友的福氣😊但略賺假期所提供的菜單太少，如果可以提供幾款小食那便會好一點。環境方面，桌椅在餐廳外面，挺開揚的，但如果可以坐在餐廳裡面應該會舒服一點。

自從南豐紗廠活化後，都未有機會來看看。今天終於有空想朝朝聖，原來紗廠裡都有不少餐廳，當中這間Joie Plant-based Bistro 蠻吸引我的。這間餐廳以素食為題，作為繁忙的香港人，偶然吃吃素也是不錯的選擇。剛好是中午時分，餐廳人流相比其他的餐廳多。我就選了一個午餐，黑松露野菌扁意粉，附上蕃茄濃湯和選了一杯ginger lemongrass tea。等了沒久，先來是濃湯，蕃茄味道濃郁，喜歡蕃茄的朋友定必很讚，湯不是很燙，暖暖的，入口剛好。然後是主菜，對於很喜歡黑松露又好喜歡野菌的我，這個主菜不能不愛，沒有很油膩的感覺，很素很清新。然後我最欣賞是檸檬草薑茶，特別對女士們是很好的，雖然只是茶包沖出來的茶，但我實在有興趣買一些回去喔，忘了問問店員那個茶包是來自那裡的，過後曾在超市中搜尋過，也找不到呢。總體而言，蠻欣賞這裡的食物，有機會會再來吃的！

本來我朋友想點黑松露意粉，但因沽清，所以只好兩人吃了兩客白味蹭番茄乾扁意粉。意粉份量不多，但好彩味道都是很不錯的。但要注意，當日我們是大概下午三點幾四點來，所以只是食tea，好明顯這份量若果是平日食lunch，真的會不夠飽。另外我們還點了兩杯青檸香茅薑茶，不過不失。每人盛惠120.是日是星期日，超級繁忙，所以就算我們坐低，都是自己拿濕紙巾抹台，沒人招呼…這家餐廳是自助式點單，自己去櫃台點單的，然後會拿夾紙仔回枱坐低，就會有人奉餐上枱。如果是閒日來，可能服務會好少少。同埋因為該日人太多，比較吵雜，不想十分理想。

平日來新開既南豐紗廠逛下，剛巧朋友在附近做野可以約埋一齊食午餐。呢間餐廳結合傢俬店，外面空地有唔同傢俬做餐桌餐椅，幾靚！不過有啲位置就唔太符合人體工學，枱既高度同坐椅高度一樣，飲咖啡就可以，食飯就唔得了，所以同朋友選擇左普通既餐桌餐椅，都坐得舒服既。呢間餐廳係食素既，加埋成日餐廳既格局都感覺好高級。我同朋友都叫左Set3既意粉。先來個soup of the day，係南瓜湯，覺得都恰到好處，唔會太濃味太結。至於意粉都係幾好食，呢個白味噌既味都幾香，而且可以令本身冇乜味既椰菜花味道豐富左！不過份量都真係唔多，先飲湯再食意粉，都只能話剛好，真係好符合健康既七八成飽😅😅男仔就一定唔夠食啦！個茶話係南非國寶茶，可能我冇咩研究，覺得都係一般既茶😂😂😂

近期見到好多南豐紗廠的廣告，趁放假都㴝行下。由於於未食lunch, 打算搵間可食正餐的餐廳，但選擇唔算太多，好多餐廳都以輕食為主。所以揀咗呢間餐廳，叫做有意粉食。間餐係自己搵位，去cashier 落單，再有人送餐。叫咗黑松露意粉($98), 另外加咗$48套餐（有湯同塊包）湯先來，室溫，唔算太熱。主菜份量少得可憐，食完仍然有餓的感覺。但意粉質地幾好，軟硬適中，味道係唔錯，黑椒味好勁由於只係得張單，我食飯途中，只要有野出，都比侍應問我張單係咩number, 最少問咗五次，就算唔問，都行過㴝望下我張單（我放在係枱面）。我都明白，可能仲係試業中，但夾個數字碼，已經會順暢好多。最奇怪的一件事，就係我叫咗檸檬茶，佢放低咗杯檸檬同水色的野飲，我專登再確認，呢杯真係檸檬茶？侍應話係，我勁疑惑，但既然侍應確認，我也無話可說。我飲咗一啖之後，同一位侍應過來，問我係咪要檸檬茶，我話係，然後再放低杯真·檸檬茶，收番我飲咗一啖的檸水。我有同佢講，我飲咗一啖，但唔知佢點處理杯野。另外，佢地無茶匙或者棒「篤」檸檬，最終俾咗支湯匙我

價錢偏貴，份量非常少，烤焗茄子得兩小塊，而且意粉分配不平均，隔離枱遲我10分鐘才點餐，點咗同我一樣set嘅意粉，再過5分鐘後，我同隔離枱嘅意粉就一齊送上，但好明顯分配不平均，上茶時間亦太耐，食完個意粉仲要用15分鐘先等到杯熱茶送嚟。可一不可再！

Boxing day和朋友聚會，選了去文青新蒲點的南豐紗廠。因為之前太多party所以已經食得太豐富，選了這裏的一間素食西餐廳。中午12點幾，人流還不算太多，容易找位置。不過位置被其他食肆包圍，私隱度不高，但勝在陽光照射着給人很舒服的感覺。菜單選擇不太多，是統一的set lunch，有三樣main dish選擇。配以紅菜頭湯和日本國寶茶，可惜的是兩樣都竟然選用了紙碗和紙杯，以環保角度來看，加上也轉是偏貴的價錢，覺得有點奇怪，希望店家能想想轉用能重用的餐具。紅菜頭湯夠熱，也很足料夠味，較少餐廳選用國寶茶，知道它是無咖啡因及有多種健康功效的茶，很特別。不過朋友覺得有點苦，想必不是全部人也喝得慣，如果有多種選擇提供會更好。主菜方面我們選了一個香菇意粉及拿破崙長通粉（忘了全名...) share，香菇意粉不錯，另外很欣賞長通粉裏有一點像真度很高的素香腸，不過嫌長通粉似乎還是偏硬，仍有點改進的空間。