金寶越南餐館

營業中

休息中

今日係我第一次嚟到金寶呢間餐廳食飯，本身自己好鍾意食越南菜，所以入到來呢間餐廳，好快就可以決定到揀啲乜嘢嚟食我自己就點左<粉特別>，裏面嘅食材係河粉，牛腩，牛栢葉同埋牛丸 (湯粉係可以改為選擇金邊粉，檬粉或者係蛋麵)河粉嘅份量足夠，但係牛腩牛栢葉同埋牛丸份量就好少。牛丸其實好好味，好彈牙，但係只有兩粒，而且size好細，我會用超迷你牛丸來形容佢。牛腩份量正常得多，雖然睇起上嚟好多筋，但原來入口好軟身;另外牛柏葉對比起牛腩同埋牛丸味道就差啲，沒有爽口感，而且份量少得可憐只有兩幼幼的。實在係太可惜喇，餸菜味道係明明係唔差，點解份量得咁少另外仲點左一客春卷，春卷一共有八條，size仍然係屬於迷你系。味道其實唔差，就算我點左湯先至放入口食，春卷仍然係好脆; 不過如果矇住對眼去食，其實係食唔出春卷裏面係咩肉類，只有睇餐牌才知道自己食緊嘅係咩餡料，會唔會又係因為餡料份量太少，所以食唔出係咩味道？最後想讚下餐廳嘅環境氣氛唔錯，同埋佢嘅餐牌設計亦都相當colourful，幾靚。