金寶越南餐館

營業中

休息中

叫左杯泰式檸檬茶，Dok完檸檬一飲係超級難飲。有陣好苦既藥味定唔知好苦既香料味，因為飲落完全唔飲泰式檸檬茶，所以問左店內個女人。佢話呢杯先係泰式檸檬茶，去過幾次泰國飲過咁多杯泰式檸檬茶 都無試過飲到杯咁難飲既檸茶⋯仲話我唔識野⋯ ok 都算啦。事關杯泰式檸檬茶成28蚊一杯，10幾蚊都算啦，差唔多成$30一杯嘅檸檬茶可以難飲到咁樣，只可以講好誇張 呢個價錢都可以喺街上邊買杯手打檸檬茶啜兩啖都冇咁嬲。味道呢方面大家都唔同，但係自一個好鍾意飲檸檬茶嘅港人來講。完全係伏 伏到喊出黎個隻⋯敢擔保 呢個味道嘅檸檬茶，冇一個香港人可以接受😅 應該係話佢唔應該叫檸檬茶，因為佢杯嘢冇檸檬味亦都冇茶味。只係有種好苦嘅藥味。啲嘢食就中規中矩啦⋯只可以講九龍城有好多間泰國嘢食都俾佢出色，唔會再嚟食。

九龍城好多泰國菜但可以Book位既真係唔多！因為一行好多人所以揀間可以book位嘅餐廳！當日叫咗好多食物，例如沙嗲飛天炒菜青咖喱同埋生蝦等等！自己比較鍾意個沙嗲同埋個生蝦！呢度比較好嘅係生蝦唔使預訂即叫即有。味道方面就中規中矩，唔算太突出！係九龍城嘅一般水準！

由港島區特登過海嚟九龍城試吓金寶菜館，佢哋有越南菜同埋泰國菜，兩間舖頭係隔, 所以去任何一邊都可以食到泰國菜同越南菜。我屋企人就叫咗泰國菜，海南雞飯，豬頸肉飯, 我就叫咗個越式生牛肉湯河，同埋泰式炒通菜。泰國菜方面水準OK，不過不失，千祈唔好期望過高。佢嗰個海南雞飯，雖然係油飯，但是味道一般。最差係生牛肉湯河，直程係茶餐廳版本嘅生牛肉湯河。湯底差，生牛肉係好似雪藏咗好耐，擺到喺湯裏面半個鐘都未熟，慘不忍睹。真係冇諗過一間越南餐館可以做出咁差嘅牛肉湯河。奉勸大家千其不要叫生牛肉湯河。要食好嘅越南菜泰國菜，港島區可能好啲。

☀️環境:窗邊位光線充足，舒服既自然光，感覺開揚，座位舒服，有圓枱適合多人聚餐。🍴食物:[👍🏻串燒沙嗲(雞牛豬)配泰式炒飯 $75]💲7️⃣5️⃣包埋湯同飲品勁抵食，湯一d都唔hea，有紅蘿蔔芫荽，中和翻泰式既油膩感，仲包檸檬茶/奶茶/咖啡。泰式炒飯辣得惹味，配三串串燒啖啖肉，串燒燒到剛好香口，配埋沙嗲醬正！[👌🏻香茅烤豬頸肉 $88]用香茅醃製至表面乾身，香口又惹味，即使放咗一陣邊位都脆口配埋泰式甜酸醬，十分開胃。[👌🏻泰式豬頸肉乾炒河 $86]雖然賣相唔靚但用料十分，炒到十分入味蛋香味重，重點不太油。[👌🏻椰汁西米糕 $38]香濃椰汁味，內裏有芋頭粟米。⭐️lunch set 供應時間11:45-17:30，質素好份量多，包埋湯同飲品，尖沙咀黎講抵食！📍Cambo ขุนทอง (The ONE) (尖沙咀)📍尖沙咀彌敦道100號The ONE 4樓L403舖

用餐當日係8月尾的星期日晩約6點45，雖然時間仲早，但因為宋皇臺地鐵站開通了才不久，站吸引咗好多人過嚟食飯，街上的泰國餐廳全部已經要排隊。見呢一間主打越南菜嘅餐廳仲有位，便入去用餐。呢間都係九龍城老字號，質素有保證。我哋叫咗炸蝦餅，椰菜雞絲沙律，青木瓜沙律，大泰式拼盤，酸辣海鮮湯，椰青海鮮焗飯和泰式炒粉。呢間餐廳係用電話自己落單，上菜速度都好快。兩個沙律先上，原來兩個沙律係差唔多只差咗一個有雞絲，一個冇，係越式沙律，用魚露調味。個拼盤好大份，有香葉包雞，串燒，炸春卷和炸蝦餅，分量大味道達水準。個焗飯面有三隻大蝦，滿滿的飯。泰式炒粉有啲失望，唔似平時食開嘅，呢嗰可能冇乜落笳汁，色水偏黑。呢間餐廳環境乾淨，座位唔逼。待應服務態度好。

週五的ʜᴀᴘᴘʏ ʟᴜɴᴄʜ經常私心向同事sᴜɢɢᴇsᴛ自己想吃的🤣九龍城美食店林立今個星期就想食撈檬呢間食過2次 都係叫香茅牛肉撈檬 好食 牛肉比例合理唯一缺點係啲魚露用豉油碟上點夠喉😗平時食要落半支😅所以要叫店員裝3次下次直接比兜粉佢倒落去仲方便👅.餐廳用ǫʀ ᴄᴏᴅᴇ下單的ᴍᴇɴᴜ係同佢隔離的姊妹泰菜餐廳sʜᴀʀᴇ的 我哋坐呢邊好安靜舒適 反而另一邊就好熱鬧 完全係兩番景象😹落單後上菜都好快手 夏天熱到死耐唔耐就好想食撈檬太開胃

由於疫情很久没有去九龍城金寶，現在通了地鐵要去非常方便。平時很多人，所以選了四點，希望少些人，但仍坐滿人。環境没有大變，點了喜愛的越南拼盤，大蝦卷不失水凖，配合酸醬，還是清新爽軟，煙韌有咬口，皮一樣軟滑，其他炸春卷和蝦餅，配合生菜和紫蘇葉來吃，一樣好好味。聽説老板是柬埔寨人，特别改變原来味道迎合香港人口味，看牆上那麽多明星到訪照，增加這店人氣不少。這次還選了越南抄粉和咖喱牛腩，味道當然很好，還配合法包吃，把法包浸入咖喱汁，然后一口牛腩，另一口法包，簡直是绝配。美中不足是餐廳改用App 下單，但咖喱牛腩在App是没法找到，要人手下單，這方面有待改善。還有，冷氣機漏水很嚴重，尤如下雨般，弄到椅桌全濕，要拿水桶装，無法享受美食佳境(指牆上漫畫和照片）。無論怎樣，這間店已經食了十几年，真的好有感情。地方環境很好很方便，今次有冷氣有漏水，失了些分，還算舒適，就餐空間比較迫，但現在疫情，要有足夠隔離，分開坐后，反而多了用膳空間，兩個人坐也尚可接受。冷氣不是很夠，因為冷氣漏水，所以無開，比較熱，甪膳餐具還是自己用水洗乾淨，上餐時間也很快，特别是拼盤。服務員態度也很友善，整體以言，環境和食物都很好，當

同家人去九龍城行下，順便食晏。家人話想食東南亞嘢，見呢間餐牌有好多選擇，所以決定試下呢間。本身係推開左邊「越南」嗰間度門，但入面無人而且有個侍應(1號)手指向我哋嘅右邊，咁就行兩步去右邊再推開「泰國」餐廳度門。一入到去侍應(2號)問你幾多人，答咗，然後叫你自己揾位坐，再温馨提示你嘟安心出行。。。侍應(1號)叫我哋手機落單，不過有兩個餸揾唔倒，叫番佢嚟問嗰兩個餸可唔可以手寫，擾攘咗一陣，2號侍應好主動行過嚟「幫忙」。講多一次我哋遇倒嘅困難同要求，佢跟住就好大聲咁講：「你做畀我睇你點揾吖！點解無！個個都係咁落單。。。」。唔該晒！鮮蝦卷，完全無味道，一定要點個汁先叫做入倒口。啲米紙都比較硬，個要少少力咬先得。馬拉盞咸魚炒椰菜苗，個獻好杰，似甜辣醬；唔覺有咸魚味；係椰菜仔而唔係椰菜苗。串燒沙嗲，我哋豬牛雞各兩串，但上枱多咗串雞少咗串豬。同侍應講，2號仔未睇碟餸又唔聽我哋講就大大聲話你哋每樣要兩串嘛，咪係囉。後來佢終於知嚟錯咗，就叫侍應1號處理。似乎豬牛雞同係同一種醃料，甜甜哋，同雞肉夾嘅，但同豬牛就一般。而且牛肉燒得太耐，好乾，得有啲攰。越南咖喱雞煲。個人覺得係最好食嘅，只係個咖哩好甜，食幾

九龍城見到依間老字號，同屋企人一齊去食lunch 依間餐廳好特別，有越南同泰國野一齊食。叫左椰汁咖喱雞，越式拼盤，馬拉盞炒菜，泰式炒金邊粉椰汁咖哩雞煲椰汁味好香，越式拼盤春卷好香，馬拉盞炒菜好入味，泰式炒金邊粉較清淡叫左椰青水同三色冰值得一食👍👍👍👍

今日晏晝心思思，又想食泰國嘢又想食越南野，上網search發現原來九龍城有一間餐廳兩樣都有，諗都唔諗就飛車過嚟食！不過發現原來在九龍城他們都有幾間分店，最後就入咗呢間比較近！午餐時間的確都已經坐滿人，而且有套餐選擇，真係泰國餐越南餐都可以揀！價錢都OK幾十蚊都有包嘢飲！海南雞飯-見到圖片吸引就叫左，有雞味，肉夠滑，當然係啖啖肉！雞油香味也夠香茅豬頸肉紅飯-應該係即叫即燒因為等得比較耐，上枱當然熱辣辣香噴噴，juicy! 點上太識辣醬分外香！紅飯比較特別，第一次食，其實係有茄汁喺裏面，似西炒飯嘅味道，整體好夾好味！柚子沙律-份量夠多，辣味適中炒椰菜苗-都有鑊氣選擇夠多，真係好味！

呢到有兩間連鋪分左泰式同越式，不過兩邊野食都係可以提供。提供到大量泰越菜式比食客選擇。豬肉生菜包豬肉份量都算多，但生菜唔計肉底下的只有５條菜，之後問店員拎多少少生菜😹。豬肉酸酸辣辣好開胃。越式炒檬粉配料方面有黑椒札肉，蝦仁，蛋等等。炒檬粉有Ｄ黑椒味，炒檬粉乾濕度剛好，但味感有點淡，可以多加一點咸味。辣椒羔炒大蜆有６大隻大蜆啖啖肉，辣汁好惹味，但由於用甜辣椒去炒，所以唔夠辣，可以再辣少少就會更好味。小食拼盤　—　細有４款小食- 蝦餅，雞串，荷葉雞，蝦春卷。每款都有３舊，份量都算唔錯。４款都好好食，蝦餅彈牙，雞串惹味，蝦春卷卜卜脆。泰式奶茶味道正宗，可以再濃味多少少。

✨老字號越南菜✨九龍城金寶有兩間一間泰菜一間越南菜 舖位打通 男友話耐無食越南菜 所以今次食越南野多🔸 扎肉蒸粉包粉皮夠薄 餡料超多 裏面有乾蒜、蝦米、木耳將蝦片放起底 食嘅時候加少少魚露口感豐富 又香口 非常滿足☺️🔸 咖哩鮮牛腩煲 配法包越式咖哩唔會好辣 牛腩炆得好淋又入味仲配法包 點咖哩汁食 香脆又好味👍🏻🔸燒牛肉凍檬食撈檬就係要瘋狂落魚露🙈牛肉粒係串燒嗰隻 醃得好惹味💓🔸 泰式生蝦 生蝦新鮮有光澤 加埋蒜頭辣椒 正呀🔸 芒果糯米飯糯米飯可以揀鴛鴦 有紫糯米同普通糯米椰漿好多味道亦香濃 芒果鮮甜 🔺嗌左甘多都係三百五埋單 性價比超級高👍🏻🍽 金寶越南餐館🔎 九龍城衙前塱道23號

價錢中等，不論前菜/主食/甜品食品份量都比較偏細，但係上菜速度快，清理枱面執枱仲快⋯⋯飲品類‘沙冰款飲料一款都冇賣⋯但有賣甜品。整體來講食物選擇都算多，味道一般，環境感覺都幾好。

同friend係九龍城附近行完街，覺得有d肚餓就想係附近食埋晚飯。九龍城係出名食Thai式restaurant出名好食，見到尼間餐廳個menu好多野食，聽朋友之前話食左都好地道，於是就入去試一下。😋😋😋入到去地方幾大幾闊落，位都幾多，坐得都幾舒服。叫左酸辣椰汁雞湯，個湯超野味，香料十味，d配料好似雞肉、菇都好入味。牛肉雞肉串都好香，用生菜包埋，再點泰式甜酸醬真係好jeng🤤🤤🤤仲有越南拼盤入面有越式春卷都值得推薦。😉😉😉

12號當晚同友人一齊去左呢度食，叫左蝦膏炒飯，泰式炒粉絲，鮮蝦卷，椰青同青檸梳打。第二日同友人相繼出現肚屙，嘔吐，頭暈同發燒，我們屙足7日，高燒幾日不退，睇左2次醫生！差啲要入院！搞到勁辛苦！勁想告呢間餐廳！麻煩搞好自己餐廳的衛生！唔好再害人！