I Café

營業中

休息中

有聚會未夠鐘，同朋友周圍行，諗住搵個地方坐下，行吓以前返學覓食嘅路線，見到好多餐廳都冇咗，最後行經半島中心就是但搵間餐廳坐低。冇特別嘅裝修，空間好大，食物嘅選擇好多:粉、麵、飯、西式、小食應有盡有！靠背嘅位置有江魚，好搞笑望住佢哋不停kiss。而另一邊嘅景觀都唔錯，有大玻璃望吓風景。重點黎啦，佢嘅嘢食都真係令人有驚喜！本身見佢都似係一間普通嘅茶記，但估唔到食物嘅質素出奇地好。呢個鰻魚蛋包飯，簡直係平靚正。蔥油撈丁呢，舊雞扒都係出色，煎得好香脆。如果我喺附近返工，我估有排先會試得晒佢嘅嘢食同埋食得厭。