淥鼎記

營業中

休息中

今日同大肚媽媽搞個臨盤宴，佢話就黎生，可以放縱一下自己，又想食呢樣又想食果樣，咁就一次過滿足晒佢嘅願望。呢間淥鼎記場地非常闊落，所以座位好多但唔會迫，裝修都幾特別有d宮廷風格。呢到係半自助放題式，有d係自己攞，有d係任點任食，有d係固定。先黎飲品係任飲，除左汽水之後，仲有自制健康清涼飲品，係人氣首選。另外蔬菜類係任攞，一碗碗用保鮮紙包住放凍櫃，好乾淨同新鮮。人齊就開始上菜，呢到係江南八小碟+3個任叫小食，好開胃。跟住就到魚生刺身，按人頭份量，無得再encore。咪以為火鍋店食刺身就會用劣貨，呢盤好鮮甜，帶子同蝦都好肥，魚生唔腥。雞煲係任食，分大中小唔辣，我地叫中辣，好香，辣度對我地黎講啱啱好，最讚係唔會只比頭頭尾尾，得骨無肉食，呢到堅有半隻雞，無偷工減料。食完一次雞煲我地無再encore，因為大家都好期待火鍋，湯底有4款揀，我地點左胡椒豬肚雞湯，上鍋後侍應會另外派碗比我地飲湯先，好重胡椒味，辣辣地好正。飲完湯剛剛好上海鮮同牛小排，都係按人頭份量，無得encore，海鮮都唔錯，幾鮮甜，d蝦仲識彈彈下，好新鮮。牛小排好好食，好嫩，燙幾下就食得，好滑，我最鍾意。中間仲有任食嘅火鍋料，不過我掛