見見面 (已結業)

我三點左右入左餐廳，諗住一個人快快手食個晏，三點係非繁忙時間，我就揀左個入啲既位座 類似卡位既位，係四人座位，但檯淨係放左兩套碗筷，咁我見餐廳仲有四，五張吉檯，又唔係繁忙時間，就揀左果個位坐，諗住坐得舒服啲，個侍應本身都同我講可以坐。坐坐下等緊叫野食，無啦啦俾個侍應叫我調檯，話我坐緊果張係4人位，指左我坐第二張，佢叫我坐果張其實都係一張4人檯，但就對正個門口。明明間餐廳就冇坐滿，但就因為有4個人入左尼，我就要讓開仲要坐門口位，已經覺得好差。之後我就叫左佢地個肥腸酸辣粉 中辣 多麻。上菜速度都快，因為唔多人。食第一啖就覺得好酸，酸多過辣好多，唔覺得佢辣添，最後頂唔順食唔曬成碗，酸到覺得「嗱」脷，飲緊醋咁。肥腸數量合理，仲有幾塊俾左不如唔好俾，手指公指甲咁大塊既娃娃菜。總括嚟講，好難食，坐得唔舒服，冇下次再去既理由