影片
更多
2019-07-30
138 瀏覽
每次出街諗要食咩都係大挑戰，其他野食到悶所以兩個人走左去飲茶食點心。坐落第一印象係茶壺同餐具好靚！款式同質感都深得我心(女人去到邊都會開啟購物Mode) 點心好精緻，而且份量比想像中大。 蝦肉爽口菜苗幼嫩，水晶皮煙韌又唔黏牙，食完男朋友即講今次試新野冇中伏芋角一向係我最愛，呢度嘅內餡芋蓉比平時食嘅更幼滑，外脆內軟好味！不過帶子的存在感就唔算好高。 將鵪鶉蛋釀入燒賣仲做到流心效果，點心師傅技術真係一流！唔講流心單係燒賣本身都好味，爽口彈牙，加埋蛋黃口感更柔軟。 呢味小炒重點應該係微辣嘅沙茶醬，好惹味。墨魚爽份量好足，食極都有 是日最愛足足食左三碗飯！鮑汁加上花膠同瑤柱令醬汁好鮮甜又唔會死咸，配飯真係一流，仲要每啖都食到花膠，食得好滿足。 影埋餐牌大家可以參考一下，有新派菜都有傳統點心 總括黎講價錢一定比普通茶樓貴少少，勝在環境好食得舒服，員工都好有禮貌。菜式花過心思設計，用料好味道都好，可以再encore！
款式同質感都深得我心(女人去到邊都會開啟購物Mode)
點心好精緻，而且份量比想像中大。
蝦肉爽口菜苗幼嫩，水晶皮煙韌又唔黏牙，食完男朋友即講今次試新野冇中伏
芋角一向係我最愛，呢度嘅內餡芋蓉比平時食嘅更幼滑，外脆內軟好味！不過帶子的存在感就唔算好高。
將鵪鶉蛋釀入燒賣仲做到流心效果，點心師傅技術真係一流！唔講流心單係燒賣本身都好味，爽口彈牙，加埋蛋黃口感更柔軟。
呢味小炒重點應該係微辣嘅沙茶醬，好惹味。墨魚爽份量好足，食極都有
是日最愛足足食左三碗飯！鮑汁加上花膠同瑤柱令醬汁好鮮甜又唔會死咸，配飯真係一流，仲要每啖都食到花膠，食得好滿足。
影埋餐牌大家可以參考一下，有新派菜都有傳統點心 總括黎講價錢一定比普通茶樓貴少少，勝在環境好食得舒服，員工都好有禮貌。菜式花過心思設計，用料好味道都好，可以再encore！
張貼
