Amitie Kitchen

營業中

休息中

今晚同朋友揀左黎呢間西餐廳食晚餐，結果樣樣食物都好出色，最後「滿肚而歸」！我地要左一個晚市套餐，再散叫加拿大海膽松葉蟹膏蟹肉忌廉汁意大利面、脆炸番薯條同跟餐加$50要個朱古力香蕉金寶。首先送上餐包，有3款，左下角個種最好食，暖暖的又鬆軟。套餐包餐湯，今日係蘑菇忌廉湯，味道濃郁，好好飲。前菜揀左煙三文魚菠菜仔沙律伴檸檬水瓜豆油醋汁，個汁酸酸甜甜，菠菜新鮮，好易入口。脆炸番薯條叫黎配漢堡既，個醬甜甜地，同番薯條都夾，不過本身番薯條都夠甜架。香煎意大利煙肉、大啡菇芝士牛肉漢堡勁厚，勁多層，我本身唔太好煙肉都覺得舊煙肉好食又厚身，唔覺得肥膩。漢堡扒好有肉味，肉汁不斷流出來，係出色既漢堡。加拿大海膽松葉蟹膏蟹肉忌廉汁意大利面忌廉汁好濃味，可以均勻掛係意粉到，加上海膽蟹膏蟹肉，食到唔停口。當然唔少得甜品啦。朱古力香蕉金寶即叫即焗，上碟勁熱，上面有忌廉，入面有香蕉粒同朱古力醬，幾特別。最後飲埋套餐杯熱檸茶就滿足甘離開啦。