大馬館 (已結業)

今日要去花園街買花肥，買完嘢見仲有時間，又覺得有啲肚餓，於是响附近睇下有咩好食，見有一間大馬館，未食過之餘又有我最愛嘅喇沙湯麵，決定走入去試下。店鋪屬小店，座位唔多又有啲逼，見餐牌食物選擇唔多，有飯類、咖哩、喇沙及海南雞飯，仲有小食，每類幾款。豬頸肉喇沙米粉 $55.-點餐時先發現無摻摻，已經有啲失望😔，見到碗喇沙湯麵時，又有啲驚訝，吓！叫錯咗咖哩湯麵🤔？，即刻飲啖湯先，根本就係咖哩味😰，再食埋啲豬頸肉，肉質軟腍無筋，但肉無肉香味，其他配料只有兩粒豆卜、半隻蛋及一條菜。最過份係大熱天時，間鋪頭嘅冷氣，開咗等於冇開，愈坐愈熱😡，唯有快快趣趣食完走。