影片
更多
2005-09-24
406 瀏覽
尋晚同朋友補祝生日, 本來諗住去Ole Spanish Resturant, 結果六點半去到未開.. 毃門問佢先知已經fully booked. 跟住諗住打去Chesa 睇下有冇位啦, 點知都要九點半先有. 咁唯有一路行一路搵啦.. 行行下見到呢間餐廳.. 一睇時.. 完全唔知佢食mud 野菜.. 心諗唔通係中東餐? 因為有個黑黑既人介紹我地入去.. 但入面又一個人都冇(不過果時都係六點九度.. 冇人都好正常) 有d驚唔知好唔好食.. 跟住睇多陣.. 先見到原來呢間係匈牙利餐廳.. 咁未食過匈牙利菜.. 就入去試下啦..坐低左.. 黎左d 麵包, 牛油, 青瓜同另一樣食.. 味道酸酦地.. 幾開胃. 跟住睇左個menu 其實都唔知叫咩食.. 左睇右睇..跟住叫佢介紹d 黎食啦.. 最後就叫左以下野食:1. 冷盤-- 唔知咩蝦(因為唔記得叫咩名) .. 有隻杯掛左三隻蝦上去.. 跟住有d 沙津..蝦味我覺得有d 怪怪地.. 呢個普通啦.. $8X2. 熱盤-- 唔記得咩mushroom, 呢個掂喎.. 個汁好正.. 份量都幾多..唔錯$6X~7X 度啦3. Goulash Soup ..
坐低左.. 黎左d 麵包, 牛油, 青瓜同另一樣食.. 味道酸酦地.. 幾開胃. 跟住睇左個menu 其實都唔知叫咩食.. 左睇右睇..跟住叫佢介紹d 黎食啦.. 最後就叫左以下野食:
1. 冷盤-- 唔知咩蝦(因為唔記得叫咩名) .. 有隻杯掛左三隻蝦上去.. 跟住有d 沙津..蝦味我覺得有d 怪怪地.. 呢個普通啦.. $8X
2. 熱盤-- 唔記得咩mushroom, 呢個掂喎.. 個汁好正.. 份量都幾多..唔錯$6X~7X 度啦
3. Goulash Soup .. 去到點都要下個湯.. 其實有d 似羅宋湯.. 紅紅地..幾香.. 有牛肉係入面.. 都幾好.. $6X
4. 跟住叫左個佢話出名既雞.. 應該係Paxxxx chickenohm.. 個汁同樣做得幾好.. 跟住加左d 好似麵粉既野落去.. 雞肉都好淋.. 唔錯.. 又幾平..好似108 蚊
5. 叫左main course 既鵝肝.. 其實冷盤都有鵝肝架.. 不過都係鍾意食煎出黎果d .. ohm.. 呢個好正.. 有兩件.. 而且都好大件吓.. 最正切開佢時仲有d 血.. 但食落又唔覺會有腥味.. 佢又係鵝肝上面灑左d野落佢(唔知咩黎架) .. 跟住再有d 伴菜.. 好好食.. 呢個價錢17X
6. 叫左兩杯飲品.. 一杯係long island ($6X)..另一杯叫做S字頭既($3X) .. 都ok 啦
7. 最後再叫左個Napolean Cake ($7X) 同佢介紹既Chocolate cake (呢個唔知幾多錢.. 因為menu 上無).. 我同我朋友都覺得Napolean Cake 好食d ..
其實呢間野裝修好簡單.. 但坐得幾舒服.. 我地星期五晚去.. 都坐唔滿.. 樓上果層果晚俾有十幾人係上面慶祝..
服務就真係唔錯.. d waitress 都會同我地傾下偈.. 又問我地覺得d野好唔好食.. 不過果度冇人識講中文.. 但有中文menu ..唔駛驚唔知點叫. 果度都有set dinner 299/person. 有湯or salad, main course, 甜品同埋coffee or tea.
噢差d 唔記得.. 我地原本想叫兔肉食架.. 但佢地買晒.. 可惜可惜.. 哈哈仲有個厨師都幾靚仔既.. 女仔去既話就要留意一下勒
呢間餐廳價錢唔係平.. 不過朋友食得開心.. 抵番晒^_^
今次係我第一次寫食評.. 其實都好難寫.. 自己又唔記得d 餸名...又好似唔係好講得出每碟食物既味道..希望下次會好d 啦
張貼