翡翠拉麵小籠包 (已結業)

星期五夜成間舖得幾枱客都嚇一嚇，心諗連鎖餐廳應該唔會伏得去邊點知就中左伏😅。全間餐廳明明唔係試業但Menu竟然得兩頁，食物選擇得好少，就連上海餐廳最基本嘅生煎包/ 上海小炒個啲都完全冇！Menu上有啲好奇怪嘅一人餐，竟然有平時茶餐廳魷魚肉餅/ 宮保雞丁等嘅中菜。兩個人嗌左個小籠包，煎餃子同魷魚肉餅飯。其實味道唔算難食但絕對唔係好食。不過聽友人講其他分店質素都好似冇咁差。仲奇怪係夜晚七點九店員行過黎話餐廳要Last Order (七點三入座) 要準備關門話可以比我地坐到八點半😂？埋單睇番要加每人$14茶錢同再加一，比左二百蚊真係唔知食左啲咩。真係唔怪得間野冇人食。大伏。