翡翠拉麵小籠包 (已結業)

星期五夜成間舖得幾枱客都嚇一嚇，心諗連鎖餐廳應該唔會伏得去邊點知就中左伏😅。全間餐廳明明唔係試業但Menu竟然得兩頁，食物選擇得好少，就連上海餐廳最基本嘅生煎包/ 上海小炒個啲都完全冇！Menu上有啲好奇怪嘅一人餐，竟然有平時茶餐廳魷魚肉餅/ 宮保雞丁等嘅中菜。兩個人嗌左個小籠包，煎餃子同魷魚肉餅飯。其實味道唔算難食但絕對唔係好食。不過聽友人講其他分店質素都好似冇咁差。仲奇怪係夜晚七點九店員行過黎話餐廳要Last Order (七點三入座) 要準備關門話可以比我地坐到八點半😂？埋單睇番要加每人$14茶錢同再加一，比左二百蚊真係唔知食左啲咩。真係唔怪得間野冇人食。大伏。

翡翠拉麵小籠包 在香港仔都開了一段時間，之前有來過吃晚餐。今次就和同事們來吃午餐，有前菜+拉麵+郊外油菜+飲品的套餐，感覺不錯。原價要$122，還有堂食另收加一服務費。雖然有特價，但相對同區其他餐廳仍然較為貴一些。用QR Code下單，不知是不是分開3次下單的關係，出現了系統錯誤，最後還是要店員下單。拉麵套餐 ($78) - 前菜是四選一，我選了陳醋西芹黑木耳。味道很醒胃﹐吃落很爽口脆嫩！對比下津白完全沒有味道，大概只是白灼？手工拉麵當然是選 - 招牌擔擔拉麵。而且麵條選龍鬚麵，比起平時吃的更幼細。調味會偏辣一些，如果怕辣的記得叫小辣。飲品則選 熱豆漿，豆味算濃也不會很甜。

見到翡翠拉麵小籠包，而家做緊一個下午茶推廣，蟹粉香撲2人下午茶，見到入邊嘅食物都好多種類，好似好抵食就一於去試吓。套餐會包兩杯特選飲品，今次叫咗洛神花玫瑰花茶，有滿滿的玫瑰花，味道香濃，唔會苦，可以一試。鮑魚蟹粉撈飯點心拼盤蟹粉小籠包

今日經食物平台買外賣 送到一打開合老乾媽牛肉只有8片 打去餐廳反映一下 職員第一句就話： 其實運送途中會係點我地真係唔清楚架。 我又再問：咁你地d 肉係有冇定幾多架， 佢話六両。 於是我真係去磅一磅有冇六両， 結果係75g。六両肉會係226g 相差也太多吧！ 我就諗會唔會連埋d 配菜一齊計六両呢， 我又再磅下， 今次180g。 同職員講唔夠呢， 她就話：咁你已家想點呀？ 又再強調運送中可能有問題，佢仲想收我線呢！我只好講沒有下次了。

已經幾年無食呢間餐廳嘞，記得之前幫襯過嘅分店，食物質素普遍都唔錯嘅。今日入咗香港仔，晚上揾地方食飯醫肚，見到久違了嘅翡翠拉麵小籠包，唔駛等位喎......入去坐啦～點知...... 原來有伏嘅！餐牌有好多菜式都沒有供應......包括炒鱔糊，雲吞雞，糖醋骨，水晶肴肉，鎮江骨..... 最後揀咗奶油津白，小籠包，蘿蔔絲酥餅，煎鍋貼，蝦頭油炒飯。奶油津白 - 味道係cream 加 清水烚菜 🥲 味道淡到食出材料原味道嘅感覺蝦頭油蝦仁炒飯 - 炒飯唔乾身，蝦仁仔少又細粒，味又淡 🥲 只能夠講係蝦頭油撈飯小籠包，蘿蔔絲酥餅，煎鍋貼 - 味道正常，但唔會覺得好好食 😐總結，唔會再食。(唔好食，失望到一個點...... 連相片都唔想影)

今日去到香港仔,行行下見到間上海野食,行入去試下,叫左一碟窩貼,一碗上海排骨拉麵。先黎個排骨麵,麵條自家制,比個掂但係排骨,有少少紅色,但是熟的,如果改善下會好少少,跟住黎左煎窩貼,幾好味,一個人食剛剛好

南區熱鬧香港仔 滬菜如何街坊知翡翠位置極優越 唔會屈質像孤兒餐牌有個小籠包 享負盛名遠近馳每個聲稱十八摺 最衰唔熱無意思反而跑出蘿蔔絲 一人一個不宜遲刨絲刨得好幼細 輕星星兮大風吹醉雞醉出新領域 自來水們靠口碑吐出骨頭帶酒香 全部食晒剩層皮說到招牌擔擔麵 辣到條脷無得醫花生幼滑欠水平 不及以前憶舊時鍋貼是我心心愛 夠熱必勝擔大旗說到配搭好陳醋 才是靈魂無限期雪菜蝦仁共炒飯 比起揚州確自卑其實說到上海菜 蝦仁無味不出奇雞絲粉皮皮太厚 不夠滑溜難攀比粉皮粉皮呀粉皮 考起主廚和大師脆瓜原是翠玉瓜 龍蝦湯底有可疑入口清新不油膩 此款小菜大作為翡翠拉麵有根基 取價沒有把地離裝修清雅無娘味 希望入屋似小儀

星期日嘅食晏時間，經過香港仔，想揾間環境舒適，坐得舒服嘅餐廳，行行下見到翡翠拉麵小籠包，唔需要等位，入面環境都寬敞，就決定入去，食過悠閒午餐。入到去發現餐廳原來好大，裝修得都幾靚，座位都好舒服，店員都好友善。兩個人，揀咗雲吞拉麵，排骨拉麵，再加一個小食。菜肉雲吞非常清淡，啱晒我口味。提供新鮮炸起，香口入味，最好食呢味！兩位可以半價加一份小食，我地選擇咗賽螃蟹。蛋白炒得比較老，味道就正常，兩個人食多咗少少，因為食得多覺得有點油膩。

上海炒粗麵😆很夠味，不算油膩，麵條有口感，好吃！👍推介酸酸甜甜，雞肉稍為太硬，如果可以鬆化啲更好！時蔬一般🙈😅酒味很濃，雞肉好嫩滑，不錯👍😋水餃🥟很大隻，材料豐富。湯底普通。麵條好味👍😋但好辣，視乎你食唔食辣～整體而言很滿意😀

上星期有朋友生日，佢話想食小籠包。我個腦即刻諗到翡翠拉麵小籠包，以前都試過佢地既小籠包，又皮薄又多肉汁。 今次我地約左去香港仔個間食lunch，餐廳門口係藍色好搶眼，幾易搵到。入到去，店員態度好好，而且安排左我地坐梳化位。我地仲未坐低，店員就已經拎左menu同埋水比我地，而且冇催我地落單，仲叫我地慢慢。餐廳裝修都比較中國風，光線充足、環境都好寧靜，岩曬我地兩個係到傾計。 我地叫左雞絲粉皮、酸辣湯、四川擔擔麵、小籠包同埋酸菜魚。飲品就叫左凍檸檬薏米水。擔擔麵個湯好濃郁既花生同麻醬味，帶有少少微辣，個麵既size超大，兩個人都夠食。麵質亦唔硬。小籠包皮薄多肉，肉量多到佔左成大半個包。一咬開個小籠包，啲熱辣辣肉汁多到滿瀉。點埋醋食仲正。雞絲粉皮麻醬味好濃同埋夠撈曬所有粉皮，青瓜同雞絲都切得好幼。青瓜好fresh而且雞絲份量都好足。粉皮好彈牙。好難得食到一間酸辣湯係真正夠酸夠辣，又唔會太咸而且料好足。每一羹都舀到好多木耳、豆乾。木耳同竹筍都好爽口。酸菜魚魚肉好爽口，唔同其他餐廳既酸菜魚。酸菜、魚肉份量亦都好多，起碼有十幾塊。寬粉就算擺左好耐，都唔會話淋pat pat，依然係爽口。個湯有種麻得黎

不知道大家想食上海菜時會想起哪間呢？我的話會是 - 翡翠拉麵小籠包而且總覺得這間餐廳都會出現在我會去的地方 (笑)連我平時上班日會去的香港仔也開了分店，不過門面看起來和平時的好像有點不同?或許藍色的門面有點意外，連朋友都差點行過了店的裝潢是木系風格，地方頗大之如～燈光很明亮！坐得也頗舒服的。既然來到這裡，第一樣要點的當然是 - 上海小籠包 ($40)一打開蒸籠就看到冒出來的熱氣，還有濃濃的香味會撲鼻而來～所以要襯熱吃才更滋味！夾起時可以看到小籠包內有滿滿的湯!! 咬下去便能嚐到湯汁的香醇還有肉香招牌擔擔拉麵 ($59) - 這個則是我每次來吃多數會點的麵食！個人覺得辣度頗高，但辣味不會蓋過其他的味道我們仍然能吃到花生醬和肉醬味，所以味道很有層次 麵條沒想像中的嚼勁，可能是因為我們太久才開吃 ... 我們還點了湯 - 清燉雞湯 ($59) 有雞肉可以吃的呢~不會太柴湯味很鮮且十分醇厚～感覺這一碗就已經喝掉不少雞的精華雖然如此，但湯不會很黏口或是太油膩！飲品則點了 - 養顏豆漿 ($18) & 檸檬薏米水 ($20)凍熱是同價，不過和朋友都飲熱的。兩杯都沒什麼甜味，很適合不太喜歡飲太甜的我

平時諗唔到食咩就會食上海菜，上次去左香港仔既翡翠拉麵小籠包，環境都幾靚幾舒服。咁梗係要整番籠上海小籠包先啦，一打開啲蒸氣岀哂黎，小籠包粒粒都好圓好大粒！食落去皮薄餡靚，湯超級鮮甜。小食揀左花雕醉雞，超級香花雕酒既味道，啲雞做得好嫩滑！下雨天時好凍要飲番個湯暖身，叫左雲吞雞湯 ，有2大粒菜肉雲呑，好有口感！而且雞湯都好濃郁。另外因為本身好鍾意食賽螃蟹，所以都叫咗一碟黎試吓，都幾多瑤柱😆 然後炒得都幾滑，如果蛋白再細舊啲就更加好了。最後叫左一個麵2份食，揀左擔擔麵，一夾起超香麻醬味，個手拉麵質感真係唔錯幾有口感，有少少微辣，好惹味。

作為一個住香港島南區嘅街坊，我不時會在香港仔區發掘美食。其實同區的餐廳已經煥然一新，令整個香港仔變得更有活力。新進餐廳基本上以日式/港式快餐為主，反而有水準的中菜廳甚為缺乏。只有「翡翠拉麵小籠包」是我和家人經常光顧。有些少人成日覺得連鎖店嘅出品唔夠精細，我反而覺得佢哋嘅水準keep得穩定，每次光顧都冇太大落差，已經係好事。今日再和家人來吃晚飯。一入門口，店員有禮地招待我們入座。新派中式裝潢，燈光明亮，地方又大又乾淨，最啱一家大細來品嚐上海美饌。店員先放下以紙蓋蓋好的茶，感覺衞生討好。養顏豆漿 $18豆味濃，微甜。檸檬薏米水$20有去水腫和美白功效的薏米水，甜度低，最岩女仕喝。我個人獨享了一原盅「原盅雲吞雞」 $64但其實係一人份量，雞湯清澈鮮甜，因為以雞肉瘦肉金華火腿等熬成。加上兩大粒上海雲吞，雲吞皮細滑，咬開見到豬肉和白菜餡料，餡料有彈性，足料亦飽肚。賽螃蟹 雪白的「賽螃蟹」賣相十分討好，雪白如雲，入口超嫩滑、輕盈，還有帶子粒提鮮，如果可以加多隻雞蛋撈勻肯定更正。這裏嘅小籠包係我嘅推介每一次嚟到一定叫至少一籠，今期仲要加新品，一定要試埋。黑虎掌小籠包$50採用了宮廷貢品的「黑虎掌」，

今日要幫人去香港仔攞衫，難得入開嚟，梗係要順便食埋晚飯先返屋企。有人話想食上海菜，記得香港仔中心新開咗間「翡翠拉麵小籠包」，一直未有時間幫襯，今晚一於過去試下。門面以寶藍色為主調，店內裝潢簇新，座位寬敞闊落，予人清雅舒適感覺。上海小籠包 ($40) 係店鋪嘅招牌菜，一場嚟到，當然唔可以錯過，原來餐廳最近仲推出咗一款黑虎掌小籠包 ($50)，咁就一於打孖上。小籠包一客有四隻，隻隻大小均等，外皮頗薄身，但夾起唔會穿底，咬開可以清楚見到入面豐盈嘅湯汁，不點醋已經很美味。 至於另一款小籠包，口感亦很特別，內裡的肉球很鬆化，湯汁濃郁，加上以雲南野生黑虎掌入饌，令小籠包嘅鮮香度提升不少，著實令人回味不已。食小籠包又點可以無四川擔擔拉麵 ($59)，麵條煙韌爽口，辣味有層次，湯底入口有滿滿花生香，而且越食越杰身，味道就越濃，正合我意。另外呢客山東手抓餅 ($32) 亦做得好出色，外層香酥脆口、內層柔軟，每啖都可以嚐到蔥香與麵筋滋味。椒鹽小黃魚 ($90) 係魚痴嘅至愛，幾乎每次去食上海菜都必點。呢兩條小黃魚亦恰如其名，賣相小巧精緻，炸得香脆乾身，魚肉鮮嫩白滑，用嚟佐酒一流。壓尾的主食點雪菜蝦仁炒飯

這天有事要到香港仔辦理那午餐自然也在附近覓食！走到香港仔中心眼前看見翡翠拉麵小籠包即時小籠包癮起，便捉了車爸爸去吃頓上一午餐解饞！ 餐廳的裝潢以木系為主，燈光充裕得來亦坐得很舒適。餐廳防疫措施做得很足量體溫、安心出行、填紙仔、口罩套、杯蓋也有供應，比一般餐廳做得更多更足絕對是加分點。主食當然選我倆也喜歡的招牌擔擔拉麵＄59，超級濃稠的自家調製擔擔麵醬就最合喜歡重口味的我倆，濃濃的花生香氣加上微辣的味道配滑溜的拉麵令人很滿足。  然後上檯的是我從來愛這店的上海小籠包＄40，一客四隻賣相飽滿的小籠包很吸睛。以筷子夾起小籠包可盪漾而不穿才叫合格，這兒的出品絕對是合格之作！咬破小籠包頂層傾出不少夢寐以求的湯汁，內裡肉球質感鬆化富肉香啜罷湯汁加上香醋享用更妙，以這個價錢來説絕對是CP值高之選。前菜要吃我喜歡的花雕醉雞＄74，花雕酒味香醇不苦度恰好，至於雞件亦浸得入味吃下皮爽肉香不錯吃我們還點上碗酸辣湯＄50份量挺大絕對足夠我倆分享，酸辣湯內有不少木耳絲、筍絲、肉絲材料十足，湯頭稠度順滑喝得非常舒服，加上酸辣味道也兼備喝罷全身也暖粒粒。我們點了一客清炒河蝦仁＄128這道菜看似簡單實質火候拿捏最為考