譽居

營業中

休息中

幾個月前同家人喺呢度食嘢已經食到呱呱叫（又貴又唔好食）今日黎開青衣城戲院買飛後又唔信邪一個人再去食個下午茶（諗住比多一次機會佢）簡簡單單叫咗個雙拼生滾粥（牛肉、肉丸）其實我都冇打算飲茶，不過入親黎都要收3元茶位碗粥既賣相尚算正常，但可惜粥底冇乜味，D牛肉成串上（切唔開）而且有啲筋好靭，而肉丸就幾乎完全冇味囉，最後只食咗細半碗就已經放棄諗住粥唔好食啫可以食條油炸鬼頂吓，點知……真係冇改錯名囉，（油）炸鬼淨係食到油味，完全失去食油炸鬼既口感四十幾蚊咁既下午茶，食唔飽（之後仲要去M記），留番比D有冒險精神嘅人嚟試下喇，我就真係唔會再博了