影片
更多
2011-03-05
923 瀏覽
想食煮野、燒野同埋炸野，係云云居酒屋之中，總會想係一番。是日再來，原來已經由蘭芳道搬左黎澳門逸園中心。地方新左，不過細左，黎過呢棟大廈食野都知有幾大，之前既懷舊風無左，不過食物質素尚算keep到，呢樣最重要。其實黎呢到有好幾樣係必叫，就好似煮大腸同吉列豬扒。煮大腸水準跟之前一樣，腸食落夠甘香，外面煙韌有咬口，煮得又唔會太腍，連埋伴碟既蘿蔔都夠哂入味，係必吃既一款。呢到吉列野亦唔錯，今次都係要吉列豬扒，豬扒一大塊，望落炸得不錯，食落夠鬆軟，好食。刺身壽司唔係呢到既強項，不過也喜歡這裡的吞拿魚卷，以往都總會叫黎食，今次再試，入口依然溶化，不過小了油香，水準係有點遜色了，希望下次再黎會回勇。居酒屋，邊食邊飲，當然要點d下酒野食，今次要左酸麵鼓蔥同牛肉煮薯仔，亦想食魚，要左燒北海道魚。酸麵鼓蔥，麵鼓味唔夠，成兜野淡淡，失色左既一款。牛肉煮薯仔，個汁依舊濃郁，夠惹味，不過薯仔未算腍，可以更好。燒北海道魚，燒得剛好，唔會燒到乾哂，食落夠哂香，送酒一流。總想試新野，店家推介左串燒豬肉蔥同炸池魚仔。豬肉蔥，豬肉夠肥，香口，蔥燒得夠香，好食。炸池魚仔，沾有薄薄既麵包糠，很惹味，不錯。唔想食飯同麵，要左焗
其實黎呢到有好幾樣係必叫，就好似煮大腸同吉列豬扒。煮大腸水準跟之前一樣，腸食落夠甘香，外面煙韌有咬口，煮得又唔會太腍，連埋伴碟既蘿蔔都夠哂入味，係必吃既一款。呢到吉列野亦唔錯，今次都係要吉列豬扒，豬扒一大塊，望落炸得不錯，食落夠鬆軟，好食。
刺身壽司唔係呢到既強項，不過也喜歡這裡的吞拿魚卷，以往都總會叫黎食，今次再試，入口依然溶化，不過小了油香，水準係有點遜色了，希望下次再黎會回勇。
居酒屋，邊食邊飲，當然要點d下酒野食，今次要左酸麵鼓蔥同牛肉煮薯仔，亦想食魚，要左燒北海道魚。酸麵鼓蔥，麵鼓味唔夠，成兜野淡淡，失色左既一款。牛肉煮薯仔，個汁依舊濃郁，夠惹味，不過薯仔未算腍，可以更好。燒北海道魚，燒得剛好，唔會燒到乾哂，食落夠哂香，送酒一流。
總想試新野，店家推介左串燒豬肉蔥同炸池魚仔。豬肉蔥，豬肉夠肥，香口，蔥燒得夠香，好食。炸池魚仔，沾有薄薄既麵包糠，很惹味，不錯。
唔想食飯同麵，要左焗薯仔，原個薯仔焗，薯仔食落軟身，唔食飯同麵另一個好選擇。
一路食，幾乎都係熟客黎幫襯，地方細左，真係唔知下次黎會唔會無位。食物水準跟以往差不多，服務依舊很好，依然滿意。
張貼
