隱町 (花園街) (已搬遷) 新店位置

傾開知道同事鍾意食串燒，諗起上次食過呢間唔錯就帶佢一齊嚟食。今晚有唎酒師駐場，推介咗隻清酒，帶果味但又唔會太甜，好介紹👍🏻👍🏻👍🏻今次見到餐牌有sake pairing，包1個頭盤、7串串燒、1款炸物同4款清酒，$680/位2位起，要提早一日預訂，下次可以試吓。上次嚟係個幾月前，今次食物方面仍然保持到水準，上碟時香噴噴，肉類燒得啱啱好，咬落juicy唔會乾同硬，好味😋😋😋今日有餐牌無嘅雞胸軟骨，比平時食細細粒嘅雞軟骨更有咬口，不過師傅話唔係成日有，想試嘅話記得要問。同事食完話好味，無介紹錯，3個人坐bar枱邊飲邊食邊吹水，大家都食得好開心，以後又多個地方聚腳👍🏻👍🏻👍🏻