勝利餐廳小廚

營業中

休息中

原先每個月一次嘅義工活動因為疫情嘅關係停咗一年有多。今日係我第一次參與番，約定好同個朋友每次都會去附近翠華食個早餐先，但係赫然發現原來呢段時間餐廳已經 ⋯於是周圍搵睇吓有冇其他茶餐廳，又比我搵返呢度⋯以前男朋友因為夜晚有嘢做，會陪佢嚟呢度食晚飯，佢啲小菜好出色㗎。之後其實我都試過一次外賣早餐走，不過都係三文治之類。今次提議帶朋友嚟試吓堂食，佢都話個奶茶唔錯。其實早餐來來去去都係嗰啲火腿通粉、沙嗲牛肉麵、雪菜肉絲米粉等等。因為朋友戒咗牛肉，於是就正路啲揀番火腿通粉，當然會配埋餐肉煎蛋多士啦。另外再嗌咗啦奶油多大家share。雖然話就話求其食，不過點都留返少少基本要求卦。