八幡屋日本料理 (已結業)

今日同朋友出去唔知食乜好，去到旺角行咗陣見到傳單幾吸引就決定試試佢。 上到去唔洗等就有位，地方睇落都幾大坐到幾舒服，唔錯唔錯！而食物方便種類都幾多，有刺身壽司依啲基本野啦一定，但有炒東風螺同炒聖子都幾特別！一嚟就緊係叫咗刺身先啦！一叫完幾分鐘內就上菜好快手。每樣叫少少試咗咩味先，三文魚好肥美油脂分佈得好靚，而甜蝦都超唔錯，肉質好爽好正 。然後就叫咗啲炸野暖暖胃，芝麻雞翼熱辣辣好脆好香口，一次過食咗兩隻之後又再叫多兩隻哈哈。而天婦羅就不過不失啦，但係新鮮炸既點都係好食既。壽司就叫咗三文魚壽司呀花之戀嗰啲，依度啲壽司唔會話好大舊飯，可以每樣食物都試下都唔驚好飽〜整體嚟講店員服務好有禮貌之餘，食物水準都中上，嚟得快同新鮮真係加晒分！ 下次唔知食咩嗰時應該會再嚟食。