茶餐廳2.0 (已結業)

今日係愉景新城行完街，同朋友諗緊食咩嘅時候就諗起之前食過依間平民得黎又幾好食，所以就揀左佢！鍾意間餐廳嘅原因都係因為佢選擇好多元化，想食中式定西式都滿足到！依家原來仲有埋雞煲！首先叫左個浦燒原條鰻魚咖喱蛋包飯（$98），日式咖喱同蛋包飯好夾，鰻魚汁甜而不膩，成個配搭都好開胃，忍唔住食哂啲飯佢！另外叫左個澳洲西冷牛扒($118），依個鐵板餐包埋餐湯餐包同甜品！個西冷肉味好濃，肉質都幾夠彈性，如果薯條可以再多啲就好！天氣咁熱真係忍唔住叫埋特飲！叫咗特濃朱古力奶昔（$25）同芒椰派對（$20），超邪惡，奶昔好creamy，芒果就好清新，味道唔會假！依間的確係街坊之選！一家人唔同口味黎都實揀得岩。