喜喜燒臘茶餐廳 (已結業)

今晚飲左唔少，醉就梗嘅，醉左肚餓要醫肚，天經地義。想去永華食麵，但夜晚一點幾已經收左工，就去翻曾經所愛嘅食肆喜喜度食碗雲呑麵，睇下質素有冇翻生！唔食燒味，就食喺度點左食過唔錯嘅雲呑麵，評雲呑麵永遠分三個部份，麵、湯及雲呑。雲呑麵 HK$32賣相唔正宗，雲吞冇擺底規扥起麵身。麵麵爽口，有硯味而不重，份量比正宗雲呑麵大碗，算唔錯。湯甜，好有蝦皮味，亦有豬骨及大地魚味，但飲完幾口乾，味精唔少。雲呑最好，豬肉少於一成，有大地魚粉，蝦爽口而有蝦味，啤水時間掌握得好好。總結: 整體而言碗麵算做幾好，二十四小時營業方便食客，好適合我呢類夜晚飲到啤啤夫嘅酒鬼。