開心麵皇 (已結業)

同朋友行過，朋友見到銅鑼灣開左新野，其實呢閒我之前試過，覺得不錯，也推薦朋友即刻去試試。朋友叫左魚頭湯麵，係店員推介，我就叫左豬扒麵。坦白講，我對魚頭無咩好感，所以朋友碗麵我都只係試左啲湯。不過，啲湯真係幾驚喜，好鮮甜，最緊要係唔腥(如果我唔係唔識食魚頭，應該都會叫)。比起個魚頭麵，我個豬扒麵唔算有驚喜，可能因為豬扒點整都唔會太難食。但塊豬扒好夠熱，係即叫即整既，都算係水準之作。食食下朋友建議叫埋小食同飲品，所以叫左一杯雪梨汁同一碟牛展，雪梨汁偏甜，唔係太欣賞。相反，牛展幾入味，又彈牙，加落個魚頭湯度食，簡直一流!成餐飯都食左成個幾鐘，食下傾下，可能因為係新店，人唔算多，加茶速度快(唔趕你走已經好比面=[ )，希望遲啲都可以keep住。總括黎講，食物質素幾好，價錢又唔貴(係銅鑼灣黎講簡直係實惠XD)，我同朋友都應該會再黎，下次我會試下有魚湯既麵! XDXD p.s. 見到隔離枱食鮑魚，唔記得叫咩名，不過個樣好靚，又好似幾正咁，下次一定要”豪”一次~haha~