影片
更多
2012-07-16
18 瀏覽
好耐無食一壽司, 路經旺角, 去咗雅蘭果間來個晚飯, 水準依然。吉列生蠔壽司 – 吉列做得不錯, 外面炸得香脆, 內裡生蠔夠juicy, 每次食都覺得好食, 好怕吉列食物炸得太老或層外皮淋晒, 我對吉列食物都有要求, 去食日本野特別鍾意叫吉列食物試一試, 好在呢度都無叫我失望, 可encore!秘製汁火炙玉子 – 我唔係燒玉子die hard fans, 可能係咁, 我就覺得一般, 亦對秘製汁做出來的玉子味道都唔係太大驚喜, 味道尚可。辣汁加州手卷 – 加州手卷成日都會食, 第一次叫呢度嘅辣汁加州手卷, 居然有點驚喜! 其實好味道嘅食物有時真係唔需要好花巧, 平凡的食物只要加點心思, 就可能有不平凡的效果, 好似呢個手卷, 只係加咗辣汁, 食出嚟嘅味道已經有唔同, 值得欣賞!汁燒金菇牛卷 – 個汁令牛肉卷好食, 當然牛肉有咬口但唔會乾柴咁, 金菇配牛肉又係永恆的定律, 絕配又好食, 當然要睇兩樣食材嘅質素, 但個汁好味會令成件事錦上添花, 呢個金菇牛卷就做到呢個效果。海膽雞軟骨 – 坦白講, 我覺得同一般雞軟骨無咩分別, 無話特別食到海膽味, 但真係炸得香口, 一面吹水一面食呢個小食,
吉列生蠔壽司 – 吉列做得不錯, 外面炸得香脆, 內裡生蠔夠juicy, 每次食都覺得好食, 好怕吉列食物炸得太老或層外皮淋晒, 我對吉列食物都有要求, 去食日本野特別鍾意叫吉列食物試一試, 好在呢度都無叫我失望, 可encore!
秘製汁火炙玉子 – 我唔係燒玉子die hard fans, 可能係咁, 我就覺得一般, 亦對秘製汁做出來的玉子味道都唔係太大驚喜, 味道尚可。
辣汁加州手卷 – 加州手卷成日都會食, 第一次叫呢度嘅辣汁加州手卷, 居然有點驚喜! 其實好味道嘅食物有時真係唔需要好花巧, 平凡的食物只要加點心思, 就可能有不平凡的效果, 好似呢個手卷, 只係加咗辣汁, 食出嚟嘅味道已經有唔同, 值得欣賞!
汁燒金菇牛卷 – 個汁令牛肉卷好食, 當然牛肉有咬口但唔會乾柴咁, 金菇配牛肉又係永恆的定律, 絕配又好食, 當然要睇兩樣食材嘅質素, 但個汁好味會令成件事錦上添花, 呢個金菇牛卷就做到呢個效果。
海膽雞軟骨 – 坦白講, 我覺得同一般雞軟骨無咩分別, 無話特別食到海膽味, 但真係炸得香口, 一面吹水一面食呢個小食, 都幾爽。值得一讚係呢度嘅炸物, 香脆得嚟又唔會話好油, 好啱我呢d鍾意食香口野嘅人。
火舞黑蜘蛛卷 – 睇個名都唔知係咩, 其實係軟殼蟹蟹籽卷, 賣相都有d似蜘蛛腳, 都係果句, 軟殼蟹炸得唔錯, 好食, 一碟4件, 好滿足。
張貼
