校長燒肉日韓料理 (已搬遷) 新店位置

已經成年冇食校長燒肉，今次就約埋男朋友&佢屋企人一齊食。呢到依然冇變，員工友善，坐位舒適，全部都係梳化卡位。而通風系統做得非常好，食客唔洗俾濃濃白煙籠罩。驟眼望，食物種類冇減少到，門口位有刺身食，三文魚、魚等…醬料區同沙律區並列，有好多特色醬汁，如韓國柚子醬、韓國包飯醬。蔬菜、熟食、糖水一應俱全。炸物非常出色，即使小放一段時間都keep住脆同熱辣辣，魚手指大推！打邊爐最重要係個爐，咁燒肉最重要一定係張牛油紙啦！加牛油紙墊住燒冇咁易燶，可以無限次更換，最難得係侍應唔會黑面/唔願意幫忙。主角當然係燒肉啦！海鮮？有！蝦、龍利柳、多春魚、帶子等等，如果龍利柳冇咁咸就更好~小食？有！台灣腸、廚師腸、海鮮沙律丸、日本小蕃薯等等，快熟最岩first round，好快就食得！牛肉豬肉雞肉？有有有！當中我最鐘意牛肋條、豬五花、雞軟骨，醃夠味，唔洗點醬都得。同場加映飲品、甜品。種類多到花多眼亂，唔想飲罐裝飲品既話，仲有糖水揀啊～甜品都好多款(但我漏左影相)，布丁、啫喱、仲有蛋糕仔。呢個價錢呢個質素，絕對值得encore啊！