三少爺 (已結業)

上次試過之後覺得唔錯，今日喺尖沙咀附近行街就再去試過。跟麵會送＄10以下飲品，兩個人埋單唔使加一大約＄140左右，呢個區全抵食。香茅豬扒撈檬$55朋友就試呢一款，佢話豬扒略為失色，上次係即叫即炸，但係今次似係炸完放左一陣先上菜，較為乾身，有點失望。撈檬果汁就有點酸，似乎退步左。香煎雞扒撈檬＄55呢個係我食，雞扒都煎得乾身左少少，外皮煎到好鬆脆，但雞肉就較乾，檬粉份量不少，食一碗都好飽，有點失望的是，個招牌蔥油冇以前咁香。豬頸肉＄30呢款係唯一我同朋友講覺得好食嘅小食，上菜時就聞到好香，外皮夠脆，肉質夠彈牙，不會過油，下次會再點。零系忌廉梳打平時好少飲汽水，真係第一次見有呢款飲品，同普通忌廉梳打味道一樣，但係唔會咁肥。