無辣不歡 (已結業)

唔係第一次光顧無辣不歡，之前食過手撕雞手卷，亦都食過雞翼尖，最近試過手撕雞蕎麥麵，亦都覺得相當足料，所以幾乎每次黎，都會買兜食下。位於葵廣二樓，平日同假日佢都幾好生意，好多時黎都係只有兩位店員，鋪面多數唔見人，喺廚房製作，所以都會積聚少許人流，要俾少少耐性等由於今日係兩人同行，就點左個大份嘅手撕雞蕎麥麵，一大盒，老實講性價比幾高，麵條、雞肉各一邊，麵條唔會煮到太腍，而且幾入味，天時暑熱，特別想食冷麵之類。食到底會有少量辣油，唔及面頭嘅麵條乾爽。雞肉份量不少，撕成粒狀，經調味後，辣勁十足，唔好睇少，好幾次都食到留哂鼻水。雞肉唔會老、韌、乾、柴，以呢個價錢實在合格有餘除左夠醫肚，味道亦都唔錯，難怪佢生意唔錯架。葵廣都多左好多呢類麻辣、酸辣、涼拌小食，但我食來食去都係呢間