無辣不歡 (已結業)

本身係見到佢有聲稱係首創定獨創嘅手撕雞蕎麥面，就想買細份試下，但又因為我食唔到辣就話想佢幫手整唔辣嘅，結果佢話唔辣要買大份，我心諗咩歪理???但自己孤零零一個又唔敢同佢拗(我知道我太懦弱🥲)，最後就都係加錢買左。後面收到盒麵連醬汁都唔俾，明明我睇佢有胡麻醬揀，就算胡麻醬少辣都可以同我講話要唔要胡麻醬之類，結果佢咩都唔講就叫我加大。拎到之後味道都一般，蕎麥面因為冇醬汁淡茂茂，手撕雞口感乾爭爭，認真感覺唔抵

無辣不歡是一間四川川菜的小食店，有麻辣手撕雞、手撕雞蕎麥麵、蒜泥白肉青瓜卷等等，辣度🌶️可選BB辣、小辣、中辣、大辣<麻辣手撕雞> $28有點失望🤢，肉質柴口鞋，麻辣死辣偏辣，辣而不香不鹹，油偏多……不推介🤦‍♀️

叫咗一個手撕雞冷麵外賣， $25本身覺得好抵食。返到屋企打開見到啲雞肉嘅顏色已經唔對路，望真少少根本塊塊肉都係黑色。咬開少少唔單止質地奇怪，仲有少少臭同埋腥味。唔明白點解一間主打手撕雞嘅舖頭可以做成咁，順帶一提，連舖頭嘅姐姐態度都好差。

呢個花甲粉實在太令人失望，一開頭叫嗰時見到咁大兜仲心諗咁抵食，食落發現入面得五隻花甲左右，仲要有一隻係得個殼，即係total得四隻。叫左BB辣，成碗野就剩係死辣，完全冇其他味，食左兩三啖就忍唔住丟左，唔明咁簡單嘅嘢點解可以整得咁難食，星期日晏晝嘅時間去買一個人都冇，完全唔使排隊，而家終於明點解。

大家好！今日我和旅伴試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(自家評分，滿分3個【好食！】，口味各有不同，評分只供參考！)2樓的無辣不歡並列第一，名字無辣不歡已道盡佢地的出品出色之處，辣！我地今天試左手撕雞蕎麥麵和蒜泥白肉青瓜卷，先品評手撕雞蕎麥麵，材料俾得非常大方，雞麵比例約 1:1，食完麵還有雞肉，辣得來又味道十足，唯一的問題係我地唔敢食太多，怕食太多辣野肚痛，否則一定會"再多一個"！手撕雞蕎麥麵(細)・HK$20蒜泥白肉青瓜卷亦好好味，老實講呢個應該用來和白飯一起食的，作為街頭小食，則鮮花缺了綠葉咁，不過無減其美味，正！蒜泥白肉青瓜卷(4件)・HK$20VLOG:

手撕雞蕎麥面（大）（小辣）從來未試過手撕雞🐓配蕎麥面是夾的！好驚喜🫶🏻；個麻辣度是偏辣的，心得我心（本人很愛吃辣）；大口吃完個嘴脣也會有熾熱的感覺😆手撕雞🐓反而無咁麻辣，但肉質完全不柴，即使是雞胸也可以入口！😋麻辣口水雞翼相對手撕雞比較失色，辣油偏多；雞肉🐓也疑較柴口；但每隻雞翼都是單骨，食瞬時十分方便🤣（製作雖時10分鐘）。總體而言；位置方便！雖然鋪面較小，但不會令你感覺不適的👍🏻；老闆態度親切，落單出單都很迅速🫣；可Encore🫶🏻

本身諗住食另一間花甲粉但係裝修緊~之前食過呢間既手絲雞拉麵，第一次食湯底好濃，但係越食越淡，所以無再幫襯過😵‍💫今次見到新出左麻辣花甲粉就試下🌶️麻辣花甲粉$38(送兩款配菜金菇、豆卜)小辣原來都幾大碗，係外賣湯麵咁大兜，咁又幾抵喎🍲碗粉入面有六隻花甲兩粒豆卜加幾小束金菇湯底好淡，超級失望，食呢啲一定要極重口味，蜆肉無鮮味，粉絲偏硬，成件事好hea…..無下次lu~再出新野都無興趣試🥱

口水雞是一道台灣非常受歡迎的小吃，我最近也嚐試了一家口水雞店，讓我來分享一下我的評價。首先，這家店的口水雞非常好吃，雞肉肉質鮮嫩多汁，配上特製的醬汁更是美味無比。醬汁的味道濃郁，帶有微辣的口感，讓人一吃就停不下來。此外，店家還提供了各種配菜，如豆皮、海帶、花生等，增加了整餐的層次感。不過，我覺得這家店的口水雞稍微有點太辣了，吃起來有些過火。如果你不太能接受辣味，可能需要告知店家少放些辣椒。另外，店家的價格也稍微有些貴，需要一些預算。總體而言，這家口水雞店是一個非常值得一試的地方。如果你喜歡口味微辣的美食，不妨來這裡試試看，或許你會像我一樣愛上這裡的口水雞！

無辣不歡 (葵芳)📍葵芳葵富路7號葵涌廣場2樓2019號舖━━━━━━━━━━━━━━━━━━━━━━━━━━━━雞肉緊係健康啦😈 仲要唔係炸嘅煎嘅而係水煮嘅 只不過最後淋咗啲辣油啫🫢━━━━━━━━━━━━━━━━━━━━━━━━━━━麻辣手撕雞 $28▶︎ 28蚊嚟講分量算幾大! 食唔出係用邊個部位 不過覺得雞肉唔會太鞋 亦都唔多肥膏或者淨皮▶︎ 麻辣味好出 後勁都算辣㗎 而且辣油嘅味道香而不膩 整體嚟講調味啱啱好━━━━━━━━━━━━━━━━━━━━━━━━━━━━到訪日期: 7月頭(下晝) 快樂指數😋: ⑧①/①⓪⓪ 性價比: 🌕🌕🌕🌕🌑環境: N/A服務分: N/A再訪意願: ❤️❤️❤️❤️🤍━━━━━━━━━━━━━━━━━━━━━━━━━━━━

呢間無辣不歡我之前在大圍已經見過，不過大圍可能人流多，而且只是外賣小店，因此經常大排長龍。這天在附近打牌給搶掠了兩百多元，還是來買東西加加餸這次見到原來葵涌廣場都有，亦都根據朋友所講其他幾層幾間綠或紅色店面應該都是同一集團，於是我見這兒冇人，即刻叫了一盒八件裝的蒜泥白肉卷。不過等食物時走了一圈，她沒有給牌子，只是告訴你是4號，有這麽好記性嗎賣相相當精美，一個透明膠盒內裏盛載蒜泥白肉卷，的確卷如其名，用不太薄身的白玉捲着青瓜，然之後上邊有些蒜泥，還有些辣汁。白肉有少許脂肪，但又不至於太過肥膩，但如果瘦得滯就會覺得很冇癮，青瓜切得夠大，因此咬起上來夠爽夠清新。蒜泥帶點兒辣味，本身都有些嗆辣，再加上店舖的辣汁，味道更加昇華，太太一直在叫這個辣、這個挺辣、這嗆辣。這個蒜泥白肉卷，對比起其他店舖的蒜泥白肉，算是非常特別，因為平時的都是一片片，然之後上邊有些蒜泥，青瓜可能只是切成絲墊底，但這兒的就是大大件爽口青瓜，夠清新，亦都有助解辣， 30多元有八件，其實抵過食過譚仔的。

記得新開張嘅時候幫襯過一次幾年後嘅今日依然大排長龍分別叫咗手撕雞蕎麥面 手撕雞烏冬 蒜泥白肉辣度全部都叫咗小辣但比一般坊間嘅辣度辣好多 完全要一啖食物一啖水手撕雞雞肉偏大嚿 略厭過咸 蕎麥面同烏冬都係一般貨色 冇特別蒜泥白肉反而有驚喜青瓜再加兩層薄薄白肉 面頭鋪左厚厚嘅蒜容青瓜夠爽脆 係蒜容堆嘅一點小清新食物普普通通 反之女店員嘅態度有待改善由落單到拎食物 全程都表現得好冇禮貌 查詢食物嘅時候一副不耐煩嘅樣子找錢嘅時候佢就咁掉落枱俾客人🤯最後明明叫咗撈烏冬 最後變咗湯烏冬今時今日咁嘅態度 真係要改善吓啦

安排超差，唔俾飛仔淨係叫你記住個號碼但其實職員自己都撈到好亂唔知咩號碼打咩號碼結果嗌完野食之後等左大半個鐘都未有得拎比我遲買嘅都已經攞晒問左職員幾次都話未有但其實係一早已經放左係一邊只係職員撈到啲order亂晒擺到索晒啲湯先攞出黎俾客明明係湯麵，都變左撈麵好難食🤢🤮

🐔手撕雞蕎麥麵 $35驟眼睇雞同麵嘅比例似係1:1 但可能因為蕎麥麵比較light所以食完麵仲有幾舊雞剩雖然佢叫手撕雞但其實大部分都係雞塊 只有少少絲 但我更偏好呢種 因為雞塊比較有口感蕎麥麵唔會煮到太腍 但麥味就唔太出 可能因為醬汁都比較辣 蓋過咗佢哋嘅味醬汁辣味好足 食到最後有少少胃痛(不過都可能係因為食之前飲咗杯凍嘢個肚本身都唔太舒服)

辣癮又起🌶😜無辣不歡是一間四川川菜的小食店小店推介：麻辣手撕雞手撕雞蕎麥麵/拉麵蒜泥白肉青瓜卷秘製wasabi手撕雞卷麻辣小食都有很多款式可以選擇有豬耳、肚絲、豬頸肉、豬脷、口水雞翼、雞翼尖、雞腎、牛肚、牛展、夫妻肺片、無骨鳯爪、雲耳、青瓜、豬大腸、土豆絲、尖椒皮蛋辣度🌶可以選擇：BB辣、小辣、中辣、大辣（可以因應自己口味選擇）我很喜歡食麻辣豬耳和雞腎, 辣度是大辣再加辣😜, 小食份量都很多, 很足料配上西芹很香口, 豬耳爽口、雞腎有咬口, 四川辣椒又麻又香, 非常惹味

.📍無辣不歡📍#饅頭去葵芳 #饅頭食中式菜 #饅頭的掃街系列------------------------------麻辣手撕雞手卷 ($19)佢哋嘅手卷有原味同Wasabi味揀，小編揀咗原味。手撕雞肉質比坊間厚肉嫩滑😍，而且每條手撕雞都可以均勻咁沾上辣油同麻辣醬，令雞肉保持濕潤。要大讚嘅係呢度真係做到麻辣並駕💯，第一啖食落係好惹味嘅蒜頭同麻油香，花椒香同辣勁係後續而上，不斷疊加，越食越過癮🔥。雖然佢嘅飯並唔係壽司錯飯，口感偏淋，但質感唔會過濕。手撕雞同飯嘅比例拿捏得好好，面層嘅手撕雞份量澎湃，飯入面都會捲住少量手撕雞，所以食到落底都仲有餡同麻辣汁滲入😆，唔使齋食白飯。 唯一要彈嘅就係紫菜太淋，完全同脆口掛唔上邊😰，但20蚊有咁嘅水準已經好好。------------------------------🔸整體評分：8.1/10🔸小編回頭率：7. 5/10