新潮樓 (已結業)

黃金大蝦🦐依碟有6隻大蝦，鹹蛋黃嘅調味做得相當適中，唔會太鹹但係又有鹹蛋黃嘅油香，而且啲鹹蛋黃真係包住每一隻蝦，唔會話鹹蛋黃還鹹蛋黃、蝦還蝦咁！蠔仔肉碎粥🍲大大鍋嘅蠔仔肉碎粥份量應該夠2-4人，見到肉碎都好足，粥底嘅味道都ok，無需要自己再落胡椒粉，不過可能師傅驚有啲人唔鍾意食芫茜所以冇落好多，我地就覺得有多啲芫茜會更香🌱反沙芋頭🥢即使係潮洲菜館都唔係度度有有得食反沙芋，始終係一啲功夫菜需要師傅有耐性咁不斷炒，所以依度都要晚市先至供應，芋頭有8件，因為係即叫即整所以好夠熱，雖然整反沙芋要用好多糖，但係依個食落都唔會過甜～