海皇粥店 (東港城) (已結業)

星期日一早起身又要返公司做啲嘢， 天氣開始凍，星期六晚上又食了重慶火鍋，所以想食清淡些，就到了海皇粥店食粥。點了兩個特餐，皮蛋碎牛粥+炒麵+熱豆漿 $47，皮蛋瘦肉粥+鹹肉粽 ( 加$3 )+熱豆漿$50。星期日下午海皇粥店都幾好生意，差不多全場爆滿。其實我都已經好耐冇到海皇粥，看見餐牌上的食物款式多了很多， 價錢仲好似相比之前平了。 特餐有粥有炒麵加多杯飲品都只是四十幾蚊， 都算抵吃。皮蛋碎牛粥和皮蛋瘦肉粥熱辣辣的，份量又足料， 味道中等。炒麵份量比較細碟，不過炒得都算幾乾身。鹹肉粽細細隻的， 又唔夠熱。熱豆漿的味道香濃。其實海皇粥店對於好多香港人嚟講都很熟悉， 味道我覺得一時時，價錢都算合理，間中食下粥清下腸胃都幾健康。