四季煲仔飯

營業中

休息中

四季煲仔飯（1）呢間飯店超出名，我細細過已經食。好耐好耐以前，四季只係賣煲仔飯同生滾湯，係絶對冇煎蠔餅的。以前舖頭係邊？其實就係現鋪的對面，即是現時興記鋪頭，佢賣煲仔飯賣到出曬鋪頭，啲枱枱櫈櫈放曬出去坐，好熱好多人，但係氣氛濃厚，好有香港特色。點解以前四季唔賣煎蠔餅？因為有一檔好出名嘅煎蠔餅係條街中間，超多人買又係超多人排隊，我估四季想各有各做，所以冇賣蠔餅，但係四季准許客人買入去食。淨係准蠔餅同汽水可以，其他一律不淮的。可惜，某年某月某日，政府要維持秩序，小販管理處，唔批准再擺佔街道，因此各人都搬入舖頭了。四季入舖後，就開始了賣鴨蛋蠔餅，沒有用雞蛋了。