勝八鉄板串料理 (已結業)

難得行過銅鑼灣，去睇下有咩好食先？聽過勝八d 野食都唔錯，見佢d 串燒好似都幾正咁，上去試下先～呢個黑豚露筍，係店主推介菜式之一。外面有軟林林，煙煙韌韌既黑豚肉；入面就有爽脆新鮮既露筍。兩種不同口感混合起黎非常特別，值得一試。之後呢個係鱚魚。本來以為燒出黎會乾哂，點知冇。肉質唔太乾，亦唔會唔熟，時間掌握得啱啱好。加上宗少少檸檬汁，食起黎個味道極為鮮嫩。最後有呢個牛筋湯，都係店主推介既。個湯落足料同夠哂火喉，每一啖飲起黎都有種暖笠笠既感覺。牛筋食起黎好林，膠質好重，入面d 骨膠原應該好多。臨走前飲番碗，暖一暖個身，冬天幾凍都唔怕。