影片
更多
5天前
0 瀏覽
難得工作忙完一輪，可以放半日休息下，專登揀咗呢間可以慢慢食嘅火鍋放題。餐廳係佐敦莊士倫敦廣場六樓全層，全部座位都係卡位形式，頗有私隱度，而且位置闊落，叫多幾碟都唔驚唔夠位擺。平日午市火鍋放題最長可以食4.5個鐘，星期一至五兩點鐘後入座仲有全單88折，今次平平地食個lv2。湯底方面有20種，揀咗姬松茸藥膳什菌湯底。飲品種類好多。 除咗平時見到嘅樽裝茶之外，竟然會有泰國象牌玻璃樽有汽水呢個比較少見。仲有冬日暖笠笠嘅紙包飲品，好貼心。醬料區隔離有提供藥膳湯俾你拎返去加湯，唔會食到後面冇咗原本湯底嘅味道。望住開陽嘅城市景，食嘢都開心啲。姬松茸藥膳什菌湯裏面真係滿滿唔同種類嘅菇，對於好菇菇既我嚟講真係好滿足，湯底除咗菇，仲見到啲紅棗同洋蔥，湯頭味道微甜，有菇同埋少少藥膳嘅味道，濃淡度適中，我覺得用黎配肉同吸汁嘅食物唔錯。Lv2套餐有西班牙無激素豬肉片同美國Prime Grade牛肩胛肉，牛肩胛肉都頗有牛味，豬肉片都不錯。而呢個價錢有呢個質素，抵。加咗40蚊可以點海鮮，有蝦、白鱔片、墨魚仔、帆立貝、黑毛肚、花膠同是日海鮮,是日海鮮係蜆，大推，每一粒都脹卜卜，蜆肉好有鮮味。升級配料既花膠，比想像中大
餐廳係佐敦莊士倫敦廣場六樓全層，全部座位都係卡位形式，頗有私隱度，而且位置闊落，叫多幾碟都唔驚唔夠位擺。
平日午市火鍋放題最長可以食4.5個鐘，星期一至五兩點鐘後入座仲有全單88折，今次平平地食個lv2。湯底方面有20種，揀咗姬松茸藥膳什菌湯底。
飲品種類好多。 除咗平時見到嘅樽裝茶之外，竟然會有泰國象牌玻璃樽有汽水呢個比較少見。
仲有冬日暖笠笠嘅紙包飲品，好貼心。
醬料區隔離有提供藥膳湯俾你拎返去加湯，唔會食到後面冇咗原本湯底嘅味道。
望住開陽嘅城市景，食嘢都開心啲。
姬松茸藥膳什菌湯裏面真係滿滿唔同種類嘅菇，對於好菇菇既我嚟講真係好滿足，湯底除咗菇，仲見到啲紅棗同洋蔥，湯頭味道微甜，有菇同埋少少藥膳嘅味道，濃淡度適中，我覺得用黎配肉同吸汁嘅食物唔錯。
Lv2套餐有西班牙無激素豬肉片同美國Prime Grade牛肩胛肉，牛肩胛肉都頗有牛味，豬肉片都不錯。而呢個價錢有呢個質素，抵。
加咗40蚊可以點海鮮，有蝦、白鱔片、墨魚仔、帆立貝、黑毛肚、花膠同是日海鮮,是日海鮮係蜆，大推，每一粒都脹卜卜，蜆肉好有鮮味。
升級配料既花膠，比想像中大塊同厚，頗有口感。
除咗呢啲之外，好多蔬菜同丸類可以揀，丸類比較特別嘅係佢嘅手打丸類，我比較喜歡黑松露墨魚滑。
蔬菜方面，有比較少見嘅羽衣甘藍，但係好推，配啲甜甜哋嘅湯底係一絕。
最後食飽飽差唔多住走，店員仲好好咁提醒我哋記住要叫埋個雪糕，除咗有Movenpick雪糕杯之外，仲有Haagen Dazs雪糕杯，同埋Dreyer's嘅甜筒,每款都有幾個味道揀，真係好正。
如果想同朋友傾耐啲，呢間餐廳好適合，食物質素不錯，飲品嘅種類好多，位置闊落，食完仲可以同朋友去尖沙咀行埋街，性價比高，會再嚟。
張貼
