秦

營業中

休息中

是日冬至，特地買外賣回家跟兩老吃，在美食平台盲選屋企附近餐廳，見到餐廳名幾特別，menu 都幾吸引，點左五樣嘢返屋企三個人食（其實我哋唔算大食，可能因為係例牌，份量唔算好大）由上至下，左自由，分別係：蒜蓉粉絲蒸茄子，味道唔錯，蒜蓉味夠，難得有蒜味但又唔辣，但如果加多啲粉絲就更好！母親大人話茄子夠肉，唔會好似外面嘅咁樣咬落去冇嘢食。瑤柱蛋白炒飯，打開個盒嘅時候好驚喜，冇見過咁多瑤柱，食落香口，亦唔會太油，下次會再叫。啫啫雞煲，最好食嘅唔係雞，係豬潤。芥菜鹹豬骨煲，芥菜夠林，豬骨亦好味，唔會難咬，食完雞煲飲啖湯，非常良好。蒜蓉蒸蟶子，本身係叫蜆但賣晒，餐廳提議改食聖子，不過不失。