秦

營業中

休息中

聽朋友講喺粉嶺聯和墟開咗一間叫秦嘅小菜，今日要去附近做野一於去試吓。 佢係西餐嘅形式，但入面有中式小菜食都幾特別。午市套餐 今次叫咗個沙薑蒸雞配白飯 $68 雞件嫩滑配砂礓汁好入味。經過都可以一試嘅！

短頭髮女性服務員落單一路食香口膠，一路幫你落單隔籬枱兩個人嗌兩個餸 換來一句你嗌兩個餸咋喎 埋單有兩蚊尾數 扮聽唔到睇唔到你有收加1服務費 係咩驅使你態度咁惡劣唔想做就辭工 唔好搞衰老細個招牌食物質素都可以

【北區】【秦】每星期總會同一位同事品評曼城表現，所以我會叫佢週鑒哥，講到興起就不如食餐飯，叫埋真正哥一齊去一間喺粉嶺聯和墟嘅餐廳。聽週鑒哥講呢度原本係一間高級意大利菜，裝修好靚，執咗之後新餐廳保留咗個裝修做中菜。聽落咁特別，我梗係想去會一會佢。真係幾有格調同坐得幾舒服，過咗第一關就食吓嘢先。叫咗 $118 嘅「砂鍋雲吞雞」，個湯好濃香雞味，正。之後 $98 嘅「椒鹽鮮魷」就反而嫌佢唔夠椒鹽，整得唔夠鹹，魷魚肉偏細舊。跟住 $98 嘅「菠蘿脆咕嚕肉」就擺明向女同事致敬，係做到掛汁同埋脆皮效果嘅。之後 $98 嘅「咸豬骨芥菜煲」幾足料，同埋湯頭都香濃。叫多碟 $78 嘅「香脆肉絲炒麵」，個麵餅夠脆而又唔燶底，相當熱，係具水準之作。嘢飲方面，我同週鑒哥都係飲 $36 嘅「椰果爆珠梳打」，都係揀有百香果味，不過啲餸唔鹹，杯嘢又大，大家點都飲唔晒，好笑。真正哥前世未飲過酒，飲咗枝 $38 嘅「生力清」。連埋加一，三條友total 係 $660 埋單，唔貴。。。（地址：粉嶺聯和墟聯和道1-11A號富貴樓地舖）

呢間餐廳之前係高級意大利菜，變咗身後都冇幫襯過。 今日一試，裝修差唔多都冇郁過，可能之前食過意大利菜，今日有少少格格不入的感覺。 叫咗四個小菜，豆腐煲好味，不過略嫌份量少咗啲，同區有其他餐廳同樣價位多啲份量。和不同材料。芥菜豬骨煲個湯好正，建議可以加啲粟米🌽塊，睇落去滿啲豐富啲。 蜜椒雞煲熱辣辣上菜，咋咋聲，仲比佢啲油彈親，證明唔係煮完放落個煲上菜果啲。香口美味。酸菜魚個魚湯又係好好味，仲有薯粉在內係驚喜，

餐廳環境不錯，設有室內、室外座位，職員服務態度非常有善，食物質素亦在水準之上。當中必提的是‘’菠蘿脆咕嚕肉‘’，炸到脆熱的排骨配上甜甜酸酸的醬汁，醬汁的濃度剛好掛在炸排骨身上，而且更有拉絲的效果，值得一讚。‘’酸菜魚‘’的調味也很適合香港人的口味，味道不會太濃，配上白飯，真的很合適。另外“椒鹽鮮魷”的外皮十分酥脆，而且粉漿很薄。其他的菜式也不錯，重點是所有食物上桌後仍是熱騰騰的。這絕對是一間值得推薦的中菜館。

小菜精美！墟內我推介既小菜館！睇左幾編食評，我就諗，隻炸子雞係咪咁好食呀！真係估唔到，內嫩皮薄，夠味；平時食到好多都係肉比較實，皮同肉中間會好多肥膏，呢度既炸子雞完全冇咁既問題，真係好得！蠔仔肉碎浸豆苗蠔仔洗得乾淨，豆苗份量多，個肉碎湯汁煮到幾濃，好味！油鹽水蜆夠味，份量多，水準以內。流沙明蝦球蝦球走油冇過火，d咸蛋王完全包住蝦球，蝦球爽口，唔錯。煎封馬友炸得夠朝脆，略嚴細條，整得好好！椒鹽鮮魷，蒜蓉粉絲蒸蟶子，都做得唔錯！冰鎮芥蘭，都算爽口，不過就咁落d現成日式芝麻醬係面就好普通。總括黎講食物有質素，不過全部海鮮都要預訂，如果唔係好多都冇，地方企理舒服，不過係細枱多，樓上有大枱/房，有最低消費$3000；食得出師傅有心機處理食材，絕對值得一試，酒水就細啤$200/半打，自備酒水就合理開瓶費，論價錢及出品我覺得好過去酒樓食。尤其大時大節，連鎖酒樓要食餐都係鬥快飛出嚟！唔飲酒有沙冰咖啡奶茶。嚟食一定要訂位，最主要係留海鮮，打去會whatsapp餐牌比你。

202107月的平日-新開業的中餐廳~~秦~~經常路過聯和道1號，想不到走中高價浪漫氣氛的西餐廳光榮結業餐廳由以往燭光情調變得燈火通明，取而代之變成一家中式餐廳店名單字~~秦~~路過時，店員在門口用心招徠，就在開業初期幫趁了一次有趣的是繼續沿用上一家的西式設計，裝潢沒有太大變動，置身西餐廳，吃中式晩餐枱與枱之間空間有點密集開業初期，只提供清水，沒有開茶，不知現在如何點餐: 鮮鮑魚雞煲熱騰騰上枱，份量足，雞肉嫩滑，醬汁惹味鮑魚身上有𠝹花，格外軟腍，食完一隻又一隻，底部也有鮑魚，有六隻以上芝士虎蝦（伊麵底)$128有五六隻虎蝦廚師在大大隻虎蝦底部劏開，去腸處理得乾淨又入味芝士汁跟伊麵比例，汁偏多了一點，伊麵較淋身，不過芝味濃郁，真正的芝味十足可分三至四小碗蝦肉爽彈，啖啖肉埋單: $224(2021年7月價錢)當時沒有茶芥，收加一服務費，開業期間更有八五折優惠，一年後我也不清楚收費價格的變動食材新鮮，味道不錯，服務可以，餐廳樓底不高，客滿高朋滿座時，也許有點嘈雜整體可以一試，有機會再去試試午餐或其他小菜

天氣熱，叫左個勝瓜炒豬肉片，加杯凍好立克。賣相幾好，豬肉好嫩滑，好入味，而勝瓜都炒得唔錯！無論野飲抑或餸菜都算大份，價錢相宜不錯！見到有客人打爛野，staff都冇俾面色人睇

已經嚟食過幾次，每次都係因為為咗佢個炸子雞而嚟，然後再試其他唔同嘅餸菜🐔炸子雞嚟之前最好打嚟留定，上台係熱辣辣出氣，個皮每次都燒到脆卜卜，然後雞皮係勁薄，咬落去好似薯片咁脆，啲雞肉又keep 到勁嫩滑，勁多肉汁好juicy, 能夠炸到外乾內濕，雞油嘅香味每啖都勁豐富🦐黃金蝦球呢間啲炸野的確係好食，個蝦球係超大粒好厚肉，牛油咸蛋黃嘅外皮整得好好食，蛋嘅咸香味濃郁，每一隻都碌得好均勻，同樣做到好酥脆嘅外層，蝦肉都keep 住彈牙濕潤🥬冰鎮芥蘭一心以為會係啲酸酸地嘅冰鎮涼伴，原來係日式芝麻醬，不過其實都好食，啲芥蘭好嫩冇筋又夠凍，係冇酸醋涼拌咁清爽🐟酥炸馬友因為真心欣賞呢到嘅炸野，所以叫左條女都想試吓炸起，真係冇揀錯，條魚炸到金黃色，但都能夠鎖住啲魚汁，外乾脆，馬友肉質幼嫩，啲幼骨都可以脆到食埋唔覺🍖咕嚕肉呢個啲排骨就比較瘦，同埋個汁係偏甜咗少少，適合小朋友食

印象中呢個位係一間法國🇫🇷餐廳🍴，帶住小狗🐶揸住架車🚗令人想起這裡。不過嚟到現場原來變咗中菜餐館😅，老闆很好人服務態度一流，又同顧客傾談，兩提示下次可以預留戶外位置用餐🍴能做到寵物友善都係考慮之列☺️.———————————————————————————.🍽午餐（$52+）💬炒粉麪飯各色各樣都有，奉送中湯🥣同飲品🥤，白飯🍚仲係可以任添🔝。叫咗火鴨絲炆米同欖菜豬扒飯，勁大碟真係食唔晒😅，味道正常唔係話超級美味，但以價錢同服務態度取勝☺️

是日冬至，特地買外賣回家跟兩老吃，在美食平台盲選屋企附近餐廳，見到餐廳名幾特別，menu 都幾吸引，點左五樣嘢返屋企三個人食（其實我哋唔算大食，可能因為係例牌，份量唔算好大）由上至下，左自由，分別係：蒜蓉粉絲蒸茄子，味道唔錯，蒜蓉味夠，難得有蒜味但又唔辣，但如果加多啲粉絲就更好！母親大人話茄子夠肉，唔會好似外面嘅咁樣咬落去冇嘢食。瑤柱蛋白炒飯，打開個盒嘅時候好驚喜，冇見過咁多瑤柱，食落香口，亦唔會太油，下次會再叫。啫啫雞煲，最好食嘅唔係雞，係豬潤。芥菜鹹豬骨煲，芥菜夠林，豬骨亦好味，唔會難咬，食完雞煲飲啖湯，非常良好。蒜蓉蒸蟶子，本身係叫蜆但賣晒，餐廳提議改食聖子，不過不失。

去開粉嶺聯和墟買腸粉食, 咁啱夠鐘食午飯, 搵到間街角比較靜, 外面睇落幾高級嘅餐廳。間餐廳沿用咗上手西式裝修, 但其實係食中餐, 主打廣東小菜。午餐選擇都幾多, 蠔仔肉碎湯飯, 落足料, 蠔仔夠大隻又冇沙, 啲湯好甜, 原來有乾瑤柱！我十二點幾叫, 我叫完之後已經賣曬！！！限量版？生炒雞絲飯, 鑊氣十足, 又唔會油冧冧, 師傅幾好手勢！餐茶好大杯！唔記得影嗰碗餸嘅餐湯最重要係街坊價錢, 但有酒樓級數嘅菜式, 好抵食！雖然啲裝修有啲古怪, 如果老細可以將裏面嘅裝飾品變做中國秦朝古董, 襯返佢個名, 咁就一流啦！不過啲侍應千祈唔好扮秦朝宮女就得啦

幫襯開既西餐廳結束營業後，新開了中餐廳。因為沿用舊裝修，格局有點怪怪，坐在一遍西式裝修氛圍，卻吃着中餐，有點格格不入感覺。簡簡單單點了2個小菜和湯，咕嚕肉、魚湯腐竹時菜和原盅燉湯。咕嚕肉賣相精緻，炸粉算爽脆，酸甜度適中，美味。魚湯腐竹時菜，碟頭大份量多，雖然菜心有點過火，莖不夠爽脆，但腐竹搭救，吸收了魚湯，有種清淡的好味道。原盅燉湯，味道普通，可以不試。總括而言，餐廳不大，食品價格比較貴，服務、菜式和味道都是一般。

朋友講喺粉嶺聯和墟開咗一間 地道小菜， 個名仲幾特別叫做泰秦， 呢間嘅位置前身係一間法國菜嚟㗎， 仲記得幾年前試過都幾有水準嘅法國菜可惜喺粉嶺就撐唔住呢個芥蘭苗 配入日本醬汁 係冷盤嚟嘅 味道好清新呢碟雞翼 係免費附送呢個係矮瓜蒸粉絲我叫咗半隻雞煲 少少辣 味道幾好， 呢度多數做晚市 樓上仲有一間VIP房， 有啲朋友仔夜晚嚟呢度睇波飲下酒食下幾道小菜 最主要係泊車方便 ，架車可以就咁拍門口， 門面裝修係落地玻璃睇得通透， 同埋個老闆都好好人會介紹下有咩 每日嘅好食嘅小菜

炸子雞正 凍左啲皮都脆 唔錯，同場加埋椒鹽鮮魷 超新鮮 係無心理準備下真係好有驚喜 唔錯至於琵琶蝦 我自己未食過 今次真係咁大個人既第一次 感覺似龍蝦 估唔到係粉嶺有間咁有驚喜既小店 加油